മഹാരാഷ്ട്രയിലെ ഛത്രപതി സാമ്പാജി നഗറിലെ ലിറ്റിൽ ഫ്ലവർ സ്കൂളിൽ അദ്ധ്യാപകന് നേരെ വിദ്യാർത്ഥിയുടെ ആക്രമണം. സ്കൂളിൽ നിന്നും ട്രാൻസ്ഫർ സർട്ടിഫിക്കറ്റ് (ടിസി) വാങ്ങാനെത്തിയ പതിനേഴുകാരനാണ് അദ്ധ്യാപകനെ കത്തികൊണ്ട് കുത്തിയത്.
ഗുരുതരമായി പരിക്കേറ്റ അദ്ധ്യാപകൻ ചികിത്സയിലാണെങ്കിലും നിലവിൽ അപകടനില തരണം ചെയ്തിട്ടുണ്ട്. സംഭവത്തിന്റെ പശ്ചാത്തലം
മൂന്ന് വർഷം മുൻപ് ഒൻപതാം ക്ലാസ്സിൽ പരാജയപ്പെട്ടതിനെത്തുടർന്ന് പഠനം പാതിവഴിയിൽ ഉപേക്ഷിച്ച വിദ്യാർത്ഥിയാണ് സംഭവത്തിന് പിന്നിൽ.
വർഷങ്ങൾക്ക് ശേഷം ടിസി വാങ്ങാനായി ഇയാൾ സ്കൂളിലെത്തുകയായിരുന്നു. തുടർന്ന് പ്രിൻസിപ്പലിന്റെ മുറിയിൽ ചർച്ച നടത്തുന്നതിനായി അന്ന് ക്ലാസ് ടീച്ചറായിരുന്ന അധ്യാപകനെയും വിളിച്ചു വരുത്തി.
ആക്രമണം നടന്ന രീതി
പ്രിൻസിപ്പൽ, അദ്ധ്യാപകൻ, വിദ്യാർത്ഥി എന്നിവർ തമ്മിൽ സംസാരിക്കുന്നതിനിടയിൽ തർക്കം ഉടലെടുത്തു. ഇതിനിടയിൽ പ്രകോപിതനായ വിദ്യാർത്ഥി താൻ കരുതിയിരുന്ന കത്തി പുറത്തെടുത്ത് അധ്യാപകൻ വിശാലിന് നേരെ വീശുകയായിരുന്നു.
നെഞ്ചിൽ കുത്തേറ്റ അധ്യാപകനെ ഉടൻ തന്നെ ആശുപത്രിയിൽ പ്രവേശിപ്പിച്ചു. വിവരം അറിഞ്ഞയുടൻ സ്ഥലത്തെത്തിയ പോലീസ് വിദ്യാർത്ഥിയെ കസ്റ്റഡിയിലെടുക്കുകയും തുടർനടപടികൾ സ്വീകരിക്കുകയും ചെയ്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
