കോഴിക്കോട് കേന്ദ്രമായി പ്രവർത്തിക്കുന്ന അമേരിക്കൻ ഇൻഷുറൻസ് സേവന കമ്പനിയായ കോറോ ഹെൽത്തിൽ നിന്ന് മുന്നൂറിലധികം ജീവനക്കാർക്ക് ജോലി നഷ്ടപ്പെട്ടത് വലിയ പ്രതിസന്ധിയാണ് സൃഷ്ടിച്ചിരിക്കുന്നത്. തൊഴിൽ നഷ്ടപ്പെട്ടതോടെ കരിയർ സംബന്ധിച്ച കടുത്ത ആശങ്കയിലാണ് യുവജീവനക്കാർ.
ജോലിയിലെ സമ്മർദവും യാഥാർഥ്യങ്ങളും അമേരിക്കയിലെ ആരോഗ്യ ഇൻഷുറൻസ് മേഖലയിലെ ഡേറ്റകൾ കോഡ് ചെയ്യുകയാണ് കോഴിക്കോട്ടെ ഓഫിസിൽ നടന്നിരുന്നത്. പ്രമേഹം, രക്താർബുദം തുടങ്ങിയ രോഗാവസ്ഥകൾക്ക് കൃത്യമായ കോഡുകൾ നൽകുന്ന ഈ പ്രക്രിയ അങ്ങേയറ്റം സൂക്ഷ്മത ആവശ്യമുള്ളതാണ്.
“ഒരു മനുഷ്യനു താങ്ങാവുന്നതിലും അധികം ജോലിഭാരമാണ് ഞങ്ങൾ ഓരോ ദിവസവും പൂർത്തിയാക്കേണ്ടി വന്നത്. ഒരു ദിവസം അറുപതു രോഗികളുടെ രേഖകൾ പരിശോധിച്ച് കോഡിങ് ചാർട്ട് ചെയ്യണം.
കോഡിൽ ഒരു തരത്തിലുള്ള തെറ്റും വരാൻ പാടില്ല. അതുകൊണ്ടുതന്നെ ശനിയും ഞായറും അടക്കമുള്ള അവധിദിവസങ്ങളിൽ ജോലി ചെയ്യേണ്ടി വരാറുണ്ട്.” കുറ്റ്യാടി സ്വദേശിയായ മുൻ ജീവനക്കാരൻ വ്യക്തമാക്കി.
22 മുതൽ 35 വയസ്സ് വരെ പ്രായമുള്ളവരാണ് ഈ ഓഫിസിൽ ജോലി ചെയ്തിരുന്നത്. “പൂർണമായും ചതിക്കപ്പെട്ടു.
ഇനി ഞങ്ങൾക്ക് നല്ലൊരു ജോലി കിട്ടാൻ ബുദ്ധിമുട്ടാണ്.” എന്നാണ് പിരിച്ചുവിടലിനെക്കുറിച്ച് ഇവർ പ്രതികരിക്കുന്നത്. 900-ഓളം പേർക്ക് ഒരുമിച്ച് ജോലി നഷ്ടപ്പെട്ടതോടെ, കോറോ ഹെൽത്തിൽ ജോലി ചെയ്തവർ എന്ന ലേബലിൽ മറ്റ് കമ്പനികൾ തങ്ങളെ നിയമിക്കാൻ മടിക്കുമെന്ന ഭയവും ജീവനക്കാർക്കുണ്ട്.
കരാർ ലംഘനവും പ്രതിഷേധവും കഴിഞ്ഞ ദിവസം തൊഴിൽ മന്ത്രിയുടെ നേതൃത്വത്തിൽ കമ്പനി പ്രതിനിധികളുമായി നടത്തിയ ചർച്ചയിൽ, പിരിച്ചുവിടൽ നടപടികൾ മരവിപ്പിക്കാൻ ധാരണയായിരുന്നു. എന്നാൽ, ഈ കരാർ ലംഘിച്ചുകൊണ്ട് ജീവനക്കാരുടെ അക്കൗണ്ടുകളിലേക്ക് കമ്പനി ശമ്പളം വിതരണം ചെയ്തു.
പിരിച്ചുവിടുമ്പോൾ നൽകേണ്ട നോട്ടിസ് പീരിയഡ് ശമ്പളവും അധികമായി ഒരു മാസത്തെ ശമ്പളവും ഉൾപ്പെടെയുള്ള തുകയാണ് കഴിഞ്ഞ രാത്രി എട്ടരയോടെ അക്കൗണ്ടുകളിൽ എത്തിയത്.
ഇത് കരാറിന്റെ ലംഘനമാണെന്നാണ് ഉയരുന്ന പ്രധാന ആരോപണം. നാളെ നിർണായക ചർച്ച ഈ സാഹചര്യത്തിൽ പ്രശ്നം പരിഹരിക്കാൻ മന്ത്രിയുടെയും ജനപ്രതിനിധികളുടെയും നേതൃത്വത്തിൽ നാളെ രാവിലെ 11-ന് കൊച്ചിയിൽ ചർച്ച നടക്കും.
കോഴിക്കോട്ടെ ഓഫിസിൽ നിന്ന് രണ്ട് പ്രതിനിധികൾ ഈ യോഗത്തിൽ പങ്കെടുക്കും. കരാർ അട്ടിമറിക്കപ്പെട്ട
സാഹചര്യത്തിൽ നാളത്തെ ചർച്ച ഏറെ നിർണായകമാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
