തടിലോറി റെയിൽവേ ഗേറ്റിൽ ഇടിച്ച് പോസ്റ്റ് ചെരിഞ്ഞു
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
കോതനല്ലൂർ ∙ തടികയറ്റി വന്ന ലോറി റെയിൽവേ ഗേറ്റിലെ തൂണിലിടിച്ചു. പോസ്റ്റ് ചെരിഞ്ഞതോടെ ഗേറ്റ് കീപ്പർ ഗേറ്റ് അടച്ചിട്ടു. കോതനല്ലൂർ – ചാമക്കാല റോഡിൽ മുക്കാൽ മണിക്കൂറോളം ഗതാഗതം തടസ്സപ്പെട്ടു. കോതനല്ലൂർ റെയിൽവേ ഗേറ്റിലാണ് അപകടം. കഴിഞ്ഞ ദിവസം രാത്രി 9ന് കുഴിയഞ്ചാൽ ഭാഗത്തുനിന്നു തടിയുമായി വന്ന ലോറിയാണ് പോസ്റ്റിൽ തട്ടിയത്. ഗേറ്റിനു സമീപം ഉയരം ക്രമീകരിച്ച് സ്ഥാപിച്ചിരുന്ന പോസ്റ്റാണ് ചെരിഞ്ഞത്. ഗേറ്റ് കീപ്പർ കുറുപ്പന്തറ സ്റ്റേഷനിൽ വിവരം അറിയിച്ചു.
തുടർന്ന് റെയിൽവേ സുരക്ഷാ പൊലീസ് എത്തുംവരെ ഗേറ്റ് അടച്ചു ലോറി റോഡിൽ പിടിച്ചിട്ടു. 10 മണിയോടെ റെയിൽവേ സുരക്ഷാ പൊലീസ് ലോറിക്ക് പോകാൻ അനുമതി നൽകി. ലോറിയുടെ ഇരുവശത്തേക്കും ഭീമൻ തടികൾ കെട്ടി വച്ചിരുന്നു. റെയിൽവേ ഗേറ്റിനു സമീപം എതിർ ദിശയിൽ വന്ന വാഹനത്തെ ഇടിക്കാതിരിക്കാൻ ശ്രമിച്ചതോടെയാണ് വശത്തേക്ക് തള്ളിനിന്ന തടി പോസ്റ്റിലിടിച്ചത്.
