മട്ടന്നൂർ: പ്രവാസികൾക്ക് ആശ്വാസമായി കണ്ണൂർ രാജ്യാന്തര വിമാനത്താവളത്തിൽ നിന്ന് യുഎഇയിലെ ഫുജൈറയിലേക്കുള്ള വ്യോമയാന സർവീസുകൾ വീണ്ടും ആരംഭിക്കുന്നു. പ്രമുഖ വിമാന കമ്പനിയായ ഇൻഡിഗോയുടെ കണ്ണൂർ– ഫുജൈറ റൂട്ടിലെ സർവീസുകളാണ് വരുന്ന ഒക്ടോബർ 25 മുതൽ പ്രവർത്തനസജ്ജമാകുന്നത്.
പുതിയ ശീതകാല യാത്രാ പട്ടികയുടെ (വിന്റർ ഷെഡ്യൂൾ) ഭാഗമായാണ് ഈ സർവീസ് ഉൾപ്പെടുത്തിയിരിക്കുന്നത്. കണ്ണൂരിനും ഫുജൈറയ്ക്കും ഇടയിൽ ഇനി മുതൽ എല്ലാ ദിവസവും പ്രതിദിന സർവീസുകൾ ഉണ്ടായിരിക്കുമെന്ന് അധികൃതർ വ്യക്തമാക്കി.
പുതിയ സമയക്രമം അനുസരിച്ച്, എല്ലാ ദിവസവും രാത്രി 9.30ന് കണ്ണൂരിൽ നിന്ന് പുറപ്പെടുന്ന വിമാനം പ്രാദേശിക സമയം രാത്രി 11.30ന് ഫുജൈറയിലെത്തിച്ചേരും. തുടർന്ന് മടക്കയാത്രയിൽ, പുലർച്ചെ 4.05ന് ഫുജൈറയിൽ നിന്ന് പുറപ്പെടുന്ന വിമാനം രാവിലെ 9.15ഓടെ കണ്ണൂരിൽ തിരിച്ചെത്തുന്ന രീതിയിലാണ് ക്രമീകരണങ്ങൾ ഏർപ്പെടുത്തിയിട്ടുള്ളത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
