കോളജ് ബസ് 30 അടിയോളം താഴ്ചയിലേക്ക് മറിഞ്ഞു; നിരവധി വിദ്യാർഥികൾക്ക് പരുക്ക്
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തൊടുപുഴ ∙ സ്വകാര്യ കോളജ് ബസ് മറി‍ഞ്ഞ് നിരവധി വിദ്യാർഥികൾക്ക് പരുക്ക്. വാഗമൺ ഡിസി സ്കൂൾ ഓഫ് മാനേജ്മെന്റ് ആൻഡ് ടെക്നോളജിയിലെ ബസ് ആണ് കോളജ് കോംപൗണ്ടിനുള്ളിലേക്ക് മറിഞ്ഞത്. 35 ലധികം കുട്ടികളും അധ്യാപകരും ബസിലുണ്ടായിരുന്നതായാണ് പ്രാഥമിക വിവരം. പരുക്കേറ്റവരെ മൂലമറ്റത്തെ സ്വകാര്യ ആശുപത്രിയിലേക്ക് മാറ്റി.
പരിശീലനത്തിനായി ചെന്നൈയിൽ നിന്ന് എത്തിയ വിദ്യാർഥികളാണ് ബസിലുണ്ടായിരുന്നതെന്ന് കോളജ് അധികൃതർ അറിയിച്ചു. മൂടൽമഞ്ഞ് കാരണമാണ് അപകടമുണ്ടായതെന്നാണ് സൂചന. കോളജിന് തൊട്ടുമുകളിലെ വളവിൽനിന്ന് ബസ് താഴേക്ക് മറിയുകയായിരുന്നു. റോഡിൽ നിന്നും 30 അടിയോളം താഴ്ചയിലേക്ക് ബസ് പതിച്ചത്. വാഗമൺ പൊലീസ് സ്ഥലത്തെത്തി.
