കൊച്ചി∙ കൊച്ചി ആസ്ഥാനമായി രൂപം കൊടുത്ത ‘ദി ആര്‍ട്ടിസ്റ്റ് നമ്പൂതിരി സമ്മാന്‍ ട്രസ്റ്റ്’ ദേശീയ തലത്തില്‍ മികച്ച രേഖാചിത്രകാരന് ഏര്‍പ്പെടുത്തിയ പ്രഥമ പുരസ്ക്കാരം ആര്‍ട്ടിസ്റ്റ് സി. ഭാഗ്യനാഥിന് ശനിയാഴ്ച ട്രസ്റ്റ് രക്ഷാധികാരികൂടിയായ ദാദാ ഫാല്‍ക്കേ അവാര്‍ഡ് ജേതാവ് മോഹന്‍ലാല്‍ സമ്മാനിക്കും.
ആര്‍ട്ടിസ്റ്റ് നമ്പൂതിരി സമ്മാന്‍ ട്രസ്റ്റ് മാനേജിങ്ങ് ട്രസ്റ്റി ബാബു ജോസഫിന്‍റെ അധ്യക്ഷതയില്‍ എറണാകുളം ടിഡിഎം ഹാളില്‍ വൈകീട്ട് 5മണിക്ക് നടക്കുന്ന ചടങ്ങില്‍ ജൂറി ചെയര്‍മാന്‍ കെ. സി.
നാരായണന്‍, ജൂറി അംഗങ്ങളായ കേരള ലളിത കലാ അക്കാദമി ചെയര്‍പേഴ്സണ്‍ മുരളി ചീരോത്ത്, കാര്‍ട്ടൂണിസ്റ്റും എഴുത്തുകാരനുമായ രവിശങ്കര്‍ ഏട്ടേത്ത് എന്നിവര്‍ വേദിയില്‍ ഉണ്ടാകും.
ട്രസ്റ്റ് അംഗങ്ങളായ ആര്‍ട്ടിസ്റ്റ് നമ്പൂതിരിയുടെ മകന്‍ ദേവന്‍, കാര്‍ട്ടൂണിസ്റ്റ് സുധീര്‍നാഥ്, ഡോക്കുമെന്‍ട്രി ഡയറക്ടറായ ബിനുരാജ് കലാപീഠം എന്നിവരും ചടങ്ങിന്‍റെ ഭാഗമാകും.’ദി ആര്‍ട്ടിസ്റ്റ് നമ്പൂതിരി സമ്മാന്‍ ട്രസ്റ്റിന്’ ലഭ്യമായ അപേക്ഷകളില്‍ നിന്ന് പ്രാധമിക ജൂറി തിരഞ്ഞെടുത്ത പത്ത് പേരില്‍ നിന്നാണ് അവാര്‍ഡ് ജേതാവിനെ തിരഞ്ഞെടുത്തത്. ആര്‍ട്ടിസ്റ്റുകള്‍ക്ക് നേരിട്ടോ, സ്ഥാപനങ്ങള്‍ക്കോ, വ്യക്തികള്‍ക്കോ അവാര്‍ഡിനായി ആര്‍ട്ടിസ്റ്റുകളെ ശുപാര്‍ശ ചെയ്യാമായിരുന്നു.
അപേക്ഷകരില്‍ നിന്ന് ട്രസ്റ്റ് അംഗങ്ങളായ മുതിര്‍ന്ന മാധ്യമ പ്രവര്‍ത്തകന്‍ ബാബു ജോസഫ്, ആര്‍ട്ടിസ്റ്റ് നമ്പൂതിരിയുടെ മകന്‍ ദേവന്‍, കാര്‍ട്ടൂണിസ്റ്റ് സുധീര്‍നാഥ്, ഡോക്കുമെന്‍ട്രി ഡയറക്ടറായ ബിനുരാജ് കലാപീഠം എന്നിവര്‍ ചേര്‍ന്ന് 10 പേരെ തിരഞ്ഞെടുത്ത് ഫൈനല്‍ ജൂറിക്ക് സമര്‍പ്പിക്കുകയായിരുന്നു. മുതിര്‍ന്ന മാധ്യമ പ്രവര്‍ത്തകന്‍ കെ.
സി. നാരായണന്‍ ചെയര്‍മാനായ ജൂറിയില്‍, കേരള ലളിത കലാ അക്കാദമി ചെയര്‍പേഴ്സണ്‍ മുരളി ചീരോത്ത്, കാര്‍ട്ടൂണിസ്റ്റും എഴുത്തുകാരനുമായ രവിശങ്കര്‍ എന്നിവരായിരുന്നു ജൂറി അംഗങ്ങള്‍.
ആര്‍ട്ടിസ്റ്റ് നമ്പൂതിരി സമ്മാന്‍ ട്രസ്റ്റ് മാനേജിങ്ങ് ട്രസ്റ്റി ബാബു ജോസഫ് ജൂറിയിലെ മെമ്പര്‍ സെക്രട്ടറിയായിരുന്നു. രേഖാ ചിത്രങ്ങളുടെ ലോകത്ത് വ്യത്യസ്തമായ വഴി കണ്ടെത്തിയ വ്യക്തിത്വമാണ് സി.
ഭാഗ്യനാഥ്. 27 വര്‍ഷമായി മലയാളത്തിലെ വിവിധ പ്രസിദ്ധീകരണങ്ങളില്‍ സാഹിത്യ രചനകള്‍ക്കായി വരയ്ക്കുന്നു.
പ്രമുഖരായ എഴുത്തുകാരുടെ കഥകള്‍, നോവലുകള്‍, കവിതകള്‍, ലേഖനങ്ങള്‍ എന്നിവയ്ക്കായി സി. ഭാഗ്യനാഥ് ചിത്രങ്ങള്‍ വരച്ചു.
കൊച്ചി മുസരിസ് ബിനാലെ, ലോകമേ തറവാട് തുടങ്ങി ഇന്ത്യയിലും വിദേശത്തും ഉള്‍പ്പെടെ നിരവധി പ്രദര്‍ശനങ്ങളില്‍ ഭാഗ്യനാഥന്‍റെ രചനകള്‍ ഇടം പിടിച്ചിട്ടുണ്ട്. തലശ്ശേരി സ്വദേശിയാണ്.
നിലവില്‍ കൊച്ചിയിലാണ് താമസം. ചിത്രകലാ അധ്യാപികയായ ജയന്തിയാണ് ഭാര്യ.
മകള്‍ കല്യാണി. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
