ഡിജിറ്റൽ ലോകത്ത് വ്യക്തിഗത വിവരങ്ങളുടെ സ്വകാര്യതയ്ക്ക് മുൻഗണന നൽകുന്ന ഉപയോക്താക്കൾക്കായി പുതിയൊരു കുറിപ്പ് തയ്യാറാക്കൽ ആപ്പ് ശ്രദ്ധ നേടുന്നു. ഗൂഗിൾ കീപ്പിന് സമാനമായ ഘടനയും പ്രവർത്തനരീതിയുമുള്ള നോട്ടലിഎക്സ് (NotallyX) എന്ന ഓപ്പൺ സോഴ്സ് ആപ്പാണ് നിലവിൽ ചർച്ചയാകുന്നത്.
ഗൂഗിളിന്റെ ക്ലൗഡ് സ്റ്റോറേജോ ട്രാക്കിംഗോ ഇല്ലാതെ പ്രവർത്തിക്കുന്ന ഈ ആപ്പ്, ഉപയോക്താക്കളുടെ ഡാറ്റ പൂർണ്ണമായും ഫോണിൽ തന്നെ ലോക്കലായി സൂക്ഷിക്കുന്നു എന്നതാണ് പ്രധാന സവിശേഷത. ആധുനിക സാങ്കേതികവിദ്യകളും ജെമിനി പോലുള്ള എഐ സംവിധാനങ്ങളും ഗൂഗിൾ ഉൽപ്പന്നങ്ങളിൽ ഉൾപ്പെടുത്തുമ്പോൾ സ്വകാര്യത നഷ്ടപ്പെടുന്നു എന്ന് ആശങ്കപ്പെടുന്നവർക്ക് നോട്ടലിഎക്സ് മികച്ചൊരു അനുഭവമാണ് നൽകുന്നത്.
ഗൂഗിൾ അക്കൗണ്ടിന്റെ ആവശ്യമില്ലാതെ പ്രവർത്തിക്കുന്ന ഈ ആപ്പിൽ പരസ്യങ്ങൾ പൂർണ്ണമായും ഒഴിവാക്കിയിട്ടുണ്ട്. റിച്ച് ടെക്സ്റ്റ്, ടാസ്ക് ലിസ്റ്റുകൾ, ചിത്രങ്ങളും ഓഡിയോ ഫയലുകളും അറ്റാച്ചുചെയ്യൽ, ഹോം സ്ക്രീൻ വിജറ്റുകൾ തുടങ്ങി ഗൂഗിൾ കീപ്പിലുള്ള ഒട്ടുമിക്ക ഫീച്ചറുകളും ഇതിലുണ്ട്.
കൂടാതെ ഓട്ടോമാറ്റിക് ലോക്കൽ ബാക്കപ്പ്, പിൻ അല്ലെങ്കിൽ ബയോമെട്രിക് ലോക്ക്, പിഡിഎഫ് എക്സ്പോർട്ട് പിന്തുണ എന്നിവയും ഇതിന്റെ പ്രത്യേകതകളാണ്. പഴയ കുറിപ്പുകൾ നഷ്ടപ്പെടാതെ ഗൂഗിൾ കീപ്പിൽ നിന്നും നോട്ടലിഎക്സിലേക്ക് വിവരങ്ങൾ മാറ്റുക വളരെ എളുപ്പമാണ്.
ഇതിനായി ഗൂഗിൾ ടേക്ക്ഔട്ട് വഴി ഡാറ്റ ഡൗൺലോഡ് ചെയ്ത് ആപ്പിലെ ബാക്കപ്പ് സെറ്റിങ്സ് വഴി ഇംപോർട്ട് ചെയ്യാവുന്നതാണ്. എന്നാൽ ലോക്കൽ സ്റ്റോറേജ് ആയതിനാൽ ഉപകരണങ്ങൾ മാറുമ്പോൾ ഡാറ്റ മാനുവൽ ആയി മാറ്റേണ്ടി വരുന്നു എന്നൊരു പരിമിതി ഇതിലുണ്ട്.
ഡിവൈസുകൾ തമ്മിൽ തത്സമയ സിങ്കിങ് ഇല്ലാത്തതിനാൽ പ്രധാനപ്പെട്ടതും അതീവ രഹസ്യവുമായ വിവരങ്ങൾക്കായി ഗൂഗിൾ കീപ്പും, മറ്റ് സാധാരണ ആവശ്യങ്ങൾക്കായി നോട്ടലിഎക്സും ഉപയോഗിക്കുന്നതാണ് കൂടുതൽ സുരക്ഷിതം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
