വാടാനപ്പള്ളിയിൽ നടന്ന കായിക മത്സരത്തിനിടെയുണ്ടായ തടസ്സങ്ങൾ മന്ത്രിയുടെ ഇടപെടലിലൂടെ പരിഹരിക്കപ്പെട്ടു. സെന്റ് ഫ്രാൻസിസ് പള്ളി അങ്കണത്തിൽ മദ്യത്തിനും ലഹരിമരുന്നിനും എതിരെ ‘സ്പോർട്സാണ് നമ്മുടെ ലഹരി’ എന്ന സന്ദേശം ഉയർത്തിപ്പിടിച്ചാണ് രാത്രികാല ഷൂട്ടൗട്ട് മത്സരം സംഘടിപ്പിച്ചത്.
മത്സരം പുരോഗമിക്കുന്നതിനിടെ ഒരു രാഷ്ട്രീയ നേതാവ് ഇടപെട്ട് പൊലീസിനെ അറിയിച്ചതിനെത്തുടർന്ന് ടൂർണമെന്റ് നിർത്തിവെക്കാൻ ഉദ്യോഗസ്ഥർ ആവശ്യപ്പെടുകയായിരുന്നു. സമയം വൈകിയെന്ന കാരണത്താൽ മത്സരം അടുത്ത ദിവസത്തേക്ക് മാറ്റണമെന്നായിരുന്നു പൊലീസിന്റെ നിർദ്ദേശം.
അവസാന നിമിഷം ഉണ്ടായ ഈ പ്രതിസന്ധി സംഘാടകരെ വലിയ രീതിയിൽ വിഷമിപ്പിച്ചു. തുടർന്ന് ഭാരവാഹികളിൽ ഒരാളായ ജിട്രോ, മന്ത്രി ഒ.ജെ.
ജനീഷിനെ നേരിട്ട് ബന്ധപ്പെടുകയും സാഹചര്യം വിശദീകരിക്കുകയും ചെയ്തു. പരാതി കേട്ട
ഉടൻ തന്നെ മന്ത്രി പൊലീസ് ഉദ്യോഗസ്ഥരുമായി സംസാരിച്ചു. മന്ത്രിയുടെ ഇടപെടലിനെത്തുടർന്ന് മത്സരം പൂർത്തിയാക്കാൻ അധികൃതർ ഒന്നര മണിക്കൂർ കൂടി അനുവദിച്ചു.
മന്ത്രിയുടെ സമയചിത്തമായ ഇടപെടലിലൂടെ ടൂർണമെന്റ് യാതൊരു തടസ്സവുമില്ലാതെ ഭംഗിയായി പൂർത്തിയാക്കാൻ കഴിഞ്ഞുവെന്ന് സംഘാടകർ അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
