തിരുവനന്തപുരം∙ പ്രതിപക്ഷ നേതാവ് പിണറായി വിജയന് അടക്കമുള്ളവര്ക്കെതിരായ ഇ.ഡിയുടെ കത്തില് കൃത്യമായ നടപടിയുണ്ടാകുമെന്നും എല്ലാ വശങ്ങളും പരിശോധിച്ചും നിയമോപദേശം തേടിയുമായിരിക്കും ഇതെന്നും മുഖ്യമന്ത്രി വി.ഡി.സതീശന് കെപിസിസി യോഗത്തില് വ്യക്തമാക്കി. അതിവേഗം ശക്തമായ നടപടിയെടുക്കണമെന്നും അല്ലാത്തപക്ഷം സിപിഎമ്മുമായി ഒത്തുകളിയാണെന്ന ആക്ഷേപമുയരുമെന്നും മാത്യു കുഴല്നാടന് പറഞ്ഞു.
കേന്ദ്ര ഏജന്സിയുടെ നീക്കങ്ങള് കെണിയാകാമെന്നും കരുതലോടെ സമീപിക്കണമെന്നും വി.ടി.ബല്റാം എംഎല്എ വ്യക്തമാക്കി. പിഎം ശ്രീയുമായി സര്ക്കാര് മുന്നോട്ടുപോകുന്നതില് കെപിസിസി യോഗത്തില് ശക്തമായ എതിര്പ്പുയര്ന്നു.
പദ്ധതി നടപ്പാക്കിയാല് രാഷ്ട്രീയമായി വലിയ വില നല്കേണ്ടി വരുമെന്ന് എംഎല്എ മാത്യു കുഴല്നാടന് ചൂണ്ടിക്കാട്ടി. ശക്തമായ മതനിരപേക്ഷ നിലപാടാണ് കഴിഞ്ഞ തിരഞ്ഞെടുപ്പില് ന്യൂനപക്ഷങ്ങളെ കോണ്ഗ്രസിനൊപ്പം നിര്ത്തിയത്.
പിഎം ശ്രീ നടപ്പാക്കുന്നത് ജനങ്ങളെ സര്ക്കാരിനെതിരാക്കുമെന്നും അദ്ദേഹം മുന്നറിയിപ്പ് നല്കി. എന്നാല് പദ്ധതിയില് മുന് സര്ക്കാരാണ് ഒപ്പുവച്ചതെന്നും പിന്മാറാനാവില്ലെന്നും മുഖ്യമന്ത്രി വ്യക്തമാക്കി.
സംസ്ഥാനത്തിന് അവകാശപ്പെട്ട പണം നേടിയെടുക്കേണ്ടതുണ്ട്.
സ്കൂളുകള് തിരഞ്ഞെടുക്കുന്നതും സിലബസ് തീരുമാനിക്കുന്നതും സംസ്ഥാന സര്ക്കാരായിരിക്കും. കോണ്ഗ്രസ് ഭരിക്കുന്ന രാജസ്ഥാന്, കര്ണാടക, തെലങ്കാന എന്നിവിടങ്ങളില് പദ്ധതി നടപ്പാക്കിയിട്ടുണ്ടെന്നും വി.ഡി.സതീശന് കൂട്ടിച്ചേര്ത്തു.
സംസ്ഥാനത്തെ വൈദ്യുതി നിയന്ത്രണത്തില് കെപിസിസി ഭാരവാഹികള് രൂക്ഷ വിമര്ശനമാണ് ഉന്നയിച്ചത്. മുന്നറിയിപ്പില്ലാതെയുള്ള, അര്ധരാത്രി വരെ നീളുന്ന നിയന്ത്രണം ജനങ്ങളെ സര്ക്കാരിന് എതിരാക്കുമെന്ന് യോഗത്തില് നേതാക്കള് ചൂണ്ടിക്കാട്ടി.
പ്രശ്നം പരിഹരിക്കാന് സാധ്യമായതെല്ലാം ചെയ്യുന്നുണ്ടെന്നും മഴയിലുണ്ടായ കുറവ് ഉള്പ്പെടെയുള്ള പ്രതിസന്ധികളുണ്ടെന്നും വൈദ്യുതി മന്ത്രിയും കെപിസിസി പ്രസിഡന്റുമായ സണ്ണി ജോസഫ് വ്യക്തമാക്കി. യോഗത്തില് മന്ത്രിമാര്ക്കെതിരെയും കടുത്ത വിമര്ശനമുയര്ന്നു.
ഔദ്യോഗിക പരിപാടികളിലെത്തുന്ന മന്ത്രിമാര് അവിടത്തെ പ്രാദേശിക നേതൃത്വത്തെ വിവരമറിയിക്കുന്നില്ലെന്ന് ഭാരവാഹികള് കുറ്റപ്പെടുത്തി. കെപിസിസിക്ക് പുതിയ പ്രസിഡന്റ് വന്നാലുടന് സ്ഥാനമൊഴിയാന് തയാറാണെന്നും എത്രയും വേഗം പുനഃസംഘടന വേണമെന്നാണു അഭിപ്രായമെന്നും സണ്ണി ജോസഫ് പറഞ്ഞു.
ബോര്ഡ്, കോര്പറേഷൻ വീതംവയ്പ് സംബന്ധിച്ച ഘടകകക്ഷികളുമായുള്ള ചര്ച്ച അന്തിമഘട്ടത്തിലാണെന്നു മുഖ്യമന്ത്രി അറിയിച്ചു. ചിറയിന്കീഴില് പ്രാദേശിക നേതൃത്വവും രമ്യ ഹരിദാസ് എംഎല്എയും തമ്മിലുണ്ടായ കയ്യാങ്കളി പാര്ട്ടിക്കു നാണക്കേടുണ്ടാക്കിയെന്ന് അഭിപ്രായപ്പെട്ട
ചിലര്, എംഎല്എമാര്ക്ക് പെരുമാറ്റച്ചട്ടം വേണമെന്നും ആവശ്യപ്പെട്ടു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
