മാർ സ്ലീവാ മെഡിസിറ്റിക്ക് ഗ്രീൻ ഒടി സർട്ടിഫിക്കേഷനിൽ പ്ലാറ്റിനം ഗ്രേഡ്

സുസ്ഥിര ആരോഗ്യപരിചരണ രംഗത്ത് മികച്ച പ്രവർത്തനമികവ് പുറത്തെടുത്ത മാർ സ്ലീവാ മെഡിസിറ്റി പാലായ്ക്ക് ഗ്രീൻ ഒ.ടി സർട്ടിഫിക്കേഷനിൽ ഏറ്റവും ഉയർന്ന ഗ്രേഡായ പ്ലാറ്റിനം ലഭിച്ചു. രാജ്യാന്തര തലത്തിൽ അംഗീകരിക്കപ്പെട്ട

സർട്ടിഫിക്കേഷൻ സ്ഥാപനമായ ബ്യൂറോ വെരിറ്റാസിന്റെ വിലയിരുത്തലിനെ തുടർന്നാണ് ഈ അന്താരാഷ്ട്ര അംഗീകാരം ആശുപത്രിക്ക് സ്വന്തമായത്. രോഗികളുടെ സുരക്ഷ, ചികിത്സയുടെ ഗുണനിലവാരം, പ്രവർത്തന മികവ് എന്നിവയിൽ ഒട്ടും വിട്ടുവീഴ്ച ചെയ്യാതെ ശസ്ത്രക്രിയ തിയറ്ററുകളുടെ പ്രവർത്തനങ്ങളിൽ സുസ്ഥിരത ഉറപ്പാക്കാനുള്ള സ്ഥാപനത്തിന്റെ സമഗ്ര സമീപനത്തിനുള്ള അംഗീകാരം കൂടിയാണ് ഈ പ്ലാറ്റിനം ഗ്രേഡ് നേട്ടം.

ആശുപത്രിയിൽ നടന്ന ഔദ്യോഗിക ചടങ്ങിൽ കേരള, തമിഴ്നാട് സംസ്ഥാനങ്ങളുടെ സർട്ടിഫിക്കേഷൻ മാനേജർ ചാർലി ചേന്നംപള്ളിയിൽ നിന്ന് ആശുപത്രി മാനേജിങ് ഡയറക്ടർ ആൻഡ് സിഇഒ റവ. ഫാ.

മാത്യു തെക്കേൽ സർട്ടിഫിക്കറ്റ് ഏറ്റുവാങ്ങി. പാലാ രൂപത ബിഷപ് മാർ ജോസഫ് കല്ലറങ്ങാട്ട്, മന്ത്രി മോൻസ് ജോസഫ് എന്നിവരുടെ സാന്നിധ്യത്തിലായിരുന്നു ചടങ്ങ് നടന്നത്.

ചടങ്ങിൽ അസോസിയേറ്റ് ഡയറക്ടർമാരായ റവ. ഫാ.

ജോസ് കീരഞ്ചിറ, റവ. ഡോ.

ജോസഫ് കരികുളം, റവ. ഫാ.

ഗർവാസീസ് ആനിത്തോട്ടത്തിൽ, റവ. ഡോ.

മാത്യു ചേന്നാട്ട്, റവ. ഫാ.

മാത്യു തുരുത്തിപ്പള്ളിൽ, ചീഫ് ഓഫ് മെ‍‍ഡിക്കൽ സർവീസസ് എയർ കോമഡോർ ഡോ. പോളിൻ ബാബു, മെഡിക്കൽ സൂപ്രണ്ട് ഡോ.

നിതീഷ്.പി.എൻ, അനസ്തീസിയോളജി ആൻഡ് പെരി–ഓപ്പറേറ്റീവ് വിഭാഗം മേധാവി ഡോ. മഞ്ജിത്ത് ജോർജ്, ക്വാളിറ്റി വിഭാഗം സീനിയർ മാനേജർ സിറിയക് ജോർജ് തുടങ്ങിയ പ്രമുഖരും സന്നിഹിതരായിരുന്നു.

ആശുപത്രി ശസ്ത്രക്രിയ തിയറ്ററുകളിൽ ഊർജം, ജലം, മെഡിക്കൽ ഉപകരണങ്ങൾ, ഉപഭോഗവസ്തുക്കൾ, അണുനശീകരണം, വെന്റിലേഷൻ, മാലിന്യസംസ്കരണം തുടങ്ങിയ വിവിധ മേഖലകളിൽ വലിയ തോതിലുള്ള വിഭവ ഉപയോഗം ആവശ്യമാണ്. ഗ്രീൻ ഒ.ടി പദ്ധതിയിലൂടെ പരിസ്ഥിതിയിലുണ്ടാകുന്ന ആഘാതം കുറയ്ക്കുന്നതിനും സുസ്ഥിരമായ പ്രവർത്തന രീതികൾ കൂടുതൽ ശക്തിപ്പെടുത്തുന്നതിനും മാർ സ്ലീവാ മെഡിസിറ്റി പ്രത്യേക ശ്രദ്ധ കേന്ദ്രീകരിച്ചിരുന്നു.

ഇതിനോടൊപ്പം തന്നെ രോഗികളുടെ സുരക്ഷയും മികച്ച ചികിത്സാ നിലവാരവും ഉറപ്പാക്കുന്നതിലും ആശുപത്രി പ്രതിജ്ഞാബദ്ധത പുലർത്തി. ആശുപത്രിയിലെ വിവിധ വിഭാഗങ്ങളുടെയും ടീമുകളുടെയും കൂട്ടായ പ്രവർത്തനമാണ് ഗ്രീൻ ഒ.ടി പദ്ധതിയുടെ പ്ലാറ്റിനം ​ഗ്രേഡ് നേട്ടത്തിന് അർഹമാക്കിയതെന്ന് മാനേജിങ് ഡയറക്ടർ ആൻഡ് സിഇഒ റവ.

ഫാ. മാത്യു തെക്കേൽ വ്യക്തമാക്കി.

ക്ലിനിക്കൽ വിഭാഗങ്ങൾ, നഴ്സിങ്, എൻജിനീയറിങ് ആൻഡ് ടെക്നിക്കൽ സർവീസസ്, ഇൻഫക്ഷൻ പ്രിവൻഷൻ, ക്വാളിറ്റി, സപ്പോർട്ട് സർവീസസ് തുടങ്ങിയ വിഭാഗങ്ങൾ ഗ്രീൻ ഒ.ടി പദ്ധതിയിൽ വളരെ സജീവമായി പങ്കാളികളായി. ഇത് സുസ്ഥിര ആരോഗ്യപരിചരണത്തോടുള്ള ആശുപത്രിയുടെ സംഘടനാതല പ്രതിബദ്ധതയാണ് വ്യക്തമാക്കുന്നത്.

പരിസ്ഥിതി സംരക്ഷണത്തിൽ മാത്രമല്ല, രോഗികളുടെ സുരക്ഷ, ക്ലിനിക്കൽ മികവ്, വിഭവങ്ങളുടെ കാര്യക്ഷമമായ ഉപയോഗം, പരിസ്ഥിതി സുസ്ഥിരത എന്നിവയെല്ലാം ഒരുമിച്ച് പരിഗണിക്കുന്ന ഉത്തരവാദിത്തപൂർണമായ ആരോഗ്യപരിചരണത്തിന്റെ വിശാലമായ കാഴ്ചപ്പാട് കൂടിയാണ് ഗ്രീൻ ഒ.ടി പദ്ധതി വിഭാവനം ചെയ്യുന്നത്. കൂടുതൽ സുരക്ഷിതമായ അന്തരീക്ഷം ഒരുക്കുന്നതിനും വിഭവങ്ങൾ കാര്യക്ഷമമായി ഉപയോഗിക്കുന്നതിനും പരിസ്ഥിതിയോട് കൂടുതൽ ഉത്തരവാദിത്തമുള്ള ആരോഗ്യപരിചരണ സംവിധാനം കെട്ടിപ്പടുക്കുന്നതിനുമുള്ള മാർ സ്ലീവാ മെഡിസിറ്റിയുടെ തുടർച്ചയായ പ്രവർത്തനങ്ങളിലെ മറ്റൊരു സുപ്രധാന നാഴികക്കല്ലുകൂടിയാണ് ഈ നേട്ടം.