കണ്ണൂർ: മന്ത്രി കെ.എം. ഷാജിയുടെ സ്വകാര്യ വാഹനത്തിന്റെ ഉപയോഗവുമായി ബന്ധപ്പെട്ട് ട്രാൻസ്പോർട്ട് കമ്മീഷണർക്ക് ഔദ്യോഗിക പരാതി ലഭിച്ചു.
വാഹനത്തിൽ ചട്ടവിരുദ്ധമായി ദേശീയ പതാകയും ‘കേരള സ്റ്റേറ്റ്’ ബോർഡും ഘടിപ്പിച്ചത് സംബന്ധിച്ച് സമഗ്രമായ അന്വേഷണം നടത്തണമെന്നാണ് പരാതിയിലെ ആവശ്യം. കണ്ണൂർ സ്വദേശിയായ സരീഷ് പൂമരം ആണ് ഈ പരാതി സമർപ്പിച്ചിരിക്കുന്നത്.
കേന്ദ്ര-സംസ്ഥാന സർക്കാരുകളുടെ നിലവിലുള്ള ചട്ടങ്ങളുടെയും മോട്ടോർ വാഹന നിയമങ്ങളുടെയും ഗുരുതരമായ ലംഘനമാണ് ഇതിലൂടെ ഉണ്ടായിരിക്കുന്നതെന്ന് പരാതിയിൽ വ്യക്തമാക്കുന്നുണ്ട്. ഈ വിഷയത്തിൽ സർക്കാരിന്റെ ഔദ്യോഗിക ഫയലുകളും വാഹനത്തിന്റെ ലോഗ് ബുക്കുകളും കേന്ദ്രീകരിച്ച് വിശദമായ പരിശോധന നടത്തണമെന്നും അദ്ദേഹം ആവശ്യപ്പെട്ടു.
വിവാദത്തിലുൾപ്പെട്ട KL-78-A-0009 നമ്പർ വാഹനം മോട്ടോർ വാഹന വകുപ്പ് അടിയന്തരമായി വിളിച്ചുവരുത്തി പരിശോധനയ്ക്ക് വിധേയമാക്കണമെന്നും പരാതിയിൽ ഉന്നയിച്ചിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
