സ്മാർട്ട്ഫോൺ പ്രേമികൾക്കായി ആകർഷകമായ ഓഫറുമായി പ്രമുഖ സേവനദാതാക്കളായ ഗൂഗിൾ ഫൈ രംഗത്ത്. പുതിയതായി സർവീസിൽ ജോയിൻ ചെയ്യുന്ന ഉപയോക്താക്കൾക്ക് പിക്സൽ 11 പ്രോ പൂർണ്ണമായും സൗജന്യമായി സ്വന്തമാക്കാനുള്ള അവസരമാണ് ഇതിലൂടെ ലഭിക്കുന്നത്.
രണ്ട് വർഷത്തെ സേവന കരാറിലാണ് ഈ പ്രത്യേക ഓഫർ ലഭ്യമാക്കിയിരിക്കുന്നത്. പദ്ധതിയുടെ ഭാഗമായി ഉപയോക്താക്കൾക്ക് സൈൻ അപ്പ് ചെയ്യുമ്പോൾ തന്നെ $300 ന്റെ തൽക്ഷണ കിഴിവും, തുടർന്നുള്ള 24 മാസങ്ങളിലായി പ്രതിമാസ ബിൽ ക്രെഡിറ്റുകളായി ബാക്കി തുകയായ $799 തിരികെ ലഭിക്കുകയും ചെയ്യും.
നിലവിലെ വിപണിയിലെ മറ്റ് പല സേവനദാതാക്കളും മൂന്ന് വർഷത്തെ കരാർ വ്യവസ്ഥകൾ നടപ്പിലാക്കുമ്പോൾ, ഉപയോക്താക്കൾക്ക് ഏറെ ആശ്വാസകരമാകുന്നതാണ് ഈ രണ്ട് വർഷത്തെ പദ്ധതി. ഗൂഗിളിന്റെ ഏറ്റവും പുതിയ ഫ്ലാഗ്ഷിപ്പ് ഫോണായ പിക്സൽ 11 പ്രോ മികച്ച ഡിസൈൻ, മികച്ച ക്യാമറ സംവിധാനം, രണ്ട് ദിവസത്തെ ബാറ്ററി ലൈഫ്, കൂടാതെ ഏഴ് വർഷത്തെ സോഫ്റ്റ്വെയർ അപ്ഡേറ്റുകൾ എന്നിവയോടെയാണ് വിപണിയിൽ എത്തിയിരിക്കുന്നത്.
ഉപയോക്താക്കൾക്ക് ഈ ഓഫർ പ്രയോജനപ്പെടുത്തുന്നതിനായി ചില നിബന്ധനകളും പാലിക്കേണ്ടതുണ്ട്. ഈ പദ്ധതിയുടെ ആനുകൂല്യം ലഭിക്കുന്നതിനായി ഉപയോക്താവ് ഗൂഗിൾ ഫൈ-യുടെ പുതിയ വരിക്കാരനായിരിക്കണം.
അതായത്, ഇതിന് മുൻപ് ഗൂഗിൾ ഫൈ ഉപയോഗിച്ചിട്ടില്ലാത്തവരോ അല്ലെങ്കിൽ കുറഞ്ഞത് 180 ദിവസങ്ങൾക്ക് മുൻപ് മാത്രം ഉപയോഗിച്ചവരോ ആയിരിക്കണം. ഡിവൈസ് വാങ്ങി 30 ദിവസത്തിനുള്ളിൽ പുതിയ കണക്ഷൻ വഴി ഫോൺ ആക്ടിവേറ്റ് ചെയ്യേണ്ടതുണ്ട്.
കുറഞ്ഞത് 120 ദിവസത്തേക്ക് സർവീസ് തടസ്സമില്ലാതെ തുടരേണ്ടതാണ്. ഈ കാലയളവിൽ സർവീസ് കാൻസൽ ചെയ്യാനോ താൽക്കാലികമായി നിർത്തിവെക്കാനോ പാടില്ല.
നിബന്ധനകൾ കൃത്യമായി പാലിക്കുന്നവർക്ക് ബാക്കി ക്രെഡിറ്റുകൾ 24 മാസത്തേക്ക് ലഭ്യമാകുന്നതാണ്. ഫോൺ ഫുൾ പേയ്മെന്റായോ അല്ലെങ്കിൽ ഇൻസ്റ്റാൾമെന്റായോ വാങ്ങാവുന്നതാണ്.
സേവനം തുടരുകയാണെങ്കിൽ ക്രെഡിറ്റുകൾ കൃത്യമായി അക്കൗണ്ടിൽ എത്തും.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
