സോണി അൾട്ട് വെയർ ഹെഡ്ഫോണുകൾക്ക് വൻ വിലക്കിഴിവ് പ്രഖ്യാപിച്ച് ആമസോൺ

ഓഡിയോ ഉൽപ്പന്ന വിപണിയിൽ മുൻനിരയിലുള്ള സോണിയുടെ ജനപ്രിയ ഹെഡ്ഫോണുകളിലൊന്നായ സോണി അൾട്ട് വെയർ (Sony Ult Wear) ഹെഡ്ഫോണുകൾക്ക് വൻ വിലക്കുറവ് ലഭ്യമാക്കിയിരിക്കുന്നു. നിലവിൽ ഒറിജിനൽ റീട്ടെയിൽ വിലയിൽ നിന്നും 48 ശതമാനം ഇളവിലാണ് ഈ ഉപകരണം വിപണിയിൽ ലഭ്യമാകുന്നത്.

ആമസോൺ വഴി 130 ഡോളറിനാണ് നിലവിൽ ഇത് ഉപയോക്താക്കൾക്ക് സ്വന്തമാക്കാൻ സാധിക്കുന്നത്. കുറഞ്ഞ ചെലവിൽ മികച്ച നിലവാരമുള്ള ഹെഡ്ഫോണുകൾ തേടുന്നവർക്ക് ഇതൊരു സുവർണ്ണാവസരമാണ്.

ലളിതമായ ഡിസൈനാണ് ഈ ഹെഡ്ഫോണുകളുടെ പ്രധാന പ്രത്യേകത. ഏത് സാഹചര്യത്തോടും ഇണങ്ങിചേരുന്ന ലുക്ക് ഇതിന്റെ പ്രത്യേകതയാണ്.

മണിക്കൂറുകളോളം തുടർച്ചയായി ഉപയോഗിച്ചാലും യാതൊരുവിധ അസ്വസ്ഥതകളും അനുഭവപ്പെടില്ല എന്നതാണ് ഇതിന്റെ എർഗോണോമിക് ഡിസൈൻ ഉറപ്പുനൽകുന്നത്. കൂടാതെ, എളുപ്പത്തിൽ മടക്കി വെക്കാനും യാത്രകളിൽ ഒപ്പം കൂട്ടാനും സാധിക്കും.

ഫിസിക്കൽ കൺട്രോളുകളും ടച്ച് കൺട്രോളുകളും ഒരുപോലെ നൽകിയിട്ടുള്ളതിനാൽ ഇവയുടെ പ്രവർത്തനം ഏറെ ലളിതമാണ്. ശക്തമായ ബാസ് അനുഭവമാണ് ഇതിലൂടെ സോണി വാഗ്ദാനം ചെയ്യുന്നത്.

എന്നാൽ ചിലർക്ക് ഈ ബാസ് അൽപ്പം കൂടിയതായി തോന്നിയേക്കാം. എങ്കിലും ഒഡിയോ ക്രമീകരണങ്ങൾ മാറ്റുന്നതിനായി കമ്പനിയുടെ പ്രത്യേക ആപ്ലിക്കേഷൻ ഡൗൺലോഡ് ചെയ്ത് ഉപയോഗിക്കാവുന്നതാണ്.

ചുറ്റുപാടുമുള്ള അനാവശ്യ ശബ്ദങ്ങളെ ഫലപ്രദമായി പ്രതിരോധിക്കാൻ സഹായിക്കുന്ന ആക്ടീവ് നോയ്സ് കാൻസലേഷൻ (ANC) സംവിധാനവും ഇതിൽ ഉൾപ്പെടുത്തിയിട്ടുണ്ട്. ഒറ്റച്ചാർജിൽ ഏകദേശം 30 മണിക്കൂർ വരെ തുടർച്ചയായി പ്രവർത്തിക്കാൻ ഇവയ്ക്ക് സാധിക്കും.

കൂടാതെ വെറും മൂന്ന് മിനിറ്റ് ചാർജ് ചെയ്താൽ 90 മിനിറ്റ് വരെ ഉപയോഗിക്കാൻ സാധിക്കുന്ന ഫാസ്റ്റ് ചാർജിംഗ് സൗകര്യവും ഇതിലുണ്ട്. ബ്ലൂടൂത്ത് 5.2 കണക്റ്റിവിറ്റിയോടെയെത്തുന്ന ഈ ഹെഡ്ഫോണുകളിൽ നോയ്സ് കാൻസലേഷനും ബീം ഫോമിംഗിനുമായി പ്രത്യേക മൈക്രോഫോണുകളും സജ്ജീകരിച്ചിരിക്കുന്നു.