ന്യൂഡൽഹി > ഏകസിവിൽ കോഡിനായുള്ള സ്വകാര്യ ബില്ലിന് അവതാരണാനുമതി നൽകരുതെന്ന് ആവശ്യപ്പെട്ട് സിപിഐഎം എംപിമാരായ എളമരം കരീം, വി ശിവദാസൻ. കെ സോമപ്രസാദ്, ജോൺ ബ്രിട്ടാസ് എന്നിവർ രാജ്യസഭയിൽനോട്ടീസ് നൽകി. ബിജെപി അംഗം കിറോഡി ലാൽ മീണയാണ് രാജ്യത്ത് ഏക സിവിൽ കോഡ് നടപ്പിലാക്കാനുള്ള കമ്മിറ്റിക്കായി നിയമനിർമാണം നടത്താൻ സ്വകാര്യ ബില്ല് തയ്യാറാക്കിയത്. ബില്ല് അവതരിപ്പിക്കാൻസഭാ ചട്ടം 67 പ്രകാരം അനുമതി നൽകരുതെന്ന് എംപിമാർ രാജ്യസഭാ അധ്യക്ഷൻ വെങ്കയ്യ നായിഡുവിനോട് ആവശ്യപ്പെട്ടു. അതേസമയം മീണ വെള്ളിയാഴ്ച സഭയിൽ ഹാജരായില്ല. മുമ്പും ഇദ്ദേഹം ഇതേ ബില്ലുമായി രംഗത്തുവന്നിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
