ചെന്നൈ: ബോളിവുഡ് താരം ആമിർഖാൻ കുറച്ചുകാലത്തേക്ക് മുംബൈയിൽനിന്ന് ചെന്നൈയിലേക്ക് താമസംമാറ്റുന്നു. അമ്മ സീനത്ത് ഹുസൈന്റെ ചികിത്സയുമായി ബന്ധപ്പെട്ടാണ് മാറ്റം.
ചെന്നൈയിലുള്ള നക്ഷത്ര ഹോട്ടലിലാകും താരത്തിന്റെ താമസം. രണ്ടുമാസമെങ്കിലും ഇവിടെയുണ്ടാകുമെന്നാണ് വിവരം.
സീനത്ത് ഹുസൈനെ ഇതിനകം ചികിത്സയ്ക്കായി ചെന്നൈയിലെത്തിച്ചിട്ടുണ്ട്. ആശുപത്രിക്കു സമീപമുള്ള ഹോട്ടലാണ് ആമിർ ബുക്കുചെയ്തിരിക്കുന്നത്.
ആരോഗ്യം മോശമായ അമ്മയ്ക്കരികെ എപ്പോഴുമുണ്ടാകണമെന്ന് നിർബന്ധമുള്ളതിനാലാണ് താമസം മാറ്റാൻ തീരുമാനിച്ചതെന്നാണ് അദ്ദേഹവുമായി ബന്ധപ്പെട്ട വൃത്തങ്ങൾ അറിയിച്ചത്.
സിനിമാഭിനയവും നിർമാണവും കൂടാതെ ഇനി കൂടുതൽസമയം കുടുംബത്തിനൊപ്പം ചെലവഴിക്കാൻ തീരുമാനിച്ചുവെന്ന് കുറച്ചുനാൾമുമ്പ് ആമിർ പറഞ്ഞിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
