ആപ്പുകളും വെബ്‌സൈറ്റുകളും പരസ്യങ്ങൾ പ്രദർശിപ്പിച്ചുകൊണ്ടാണ് പലപ്പോഴും സൗജന്യ സേവനങ്ങൾ നൽകുന്നത്. ബാനറുകളായോ അല്ലെങ്കിൽ പൂർണ്ണ സ്ക്രീൻ വീഡിയോകളായോ ഇത്തരം പരസ്യങ്ങൾ ഉപയോക്താക്കൾക്ക് തടസ്സങ്ങൾ സൃഷ്ടിക്കാറുണ്ട്.
എന്നാൽ വൺ യുഐ 9-ലേക്ക് എത്തുമ്പോൾ ഇതിനൊരു പരിഹാരമായി എഐ നെറ്റ്‌വർക്ക് ഗാർഡ് എന്നൊരു പുതിയ ഫീച്ചർ അവതരിപ്പിച്ചിട്ടുണ്ട്. വൈഫൈ ക്രമീകരണങ്ങളിൽ ഒളിഞ്ഞിരിക്കുന്ന ഈ സംവിധാനം പരമ്പരാഗത ആഡ് ബ്ലോക്കറുകളിൽ നിന്നും തികച്ചും വ്യത്യസ്തമായാണ് പ്രവർത്തിക്കുന്നത്.
ആൻഡ്രോയിഡിന്റെ പ്രൈവറ്റ് ഡിഎൻഎസ് സംവിധാനം ഉപയോഗിച്ച് പരസ്യങ്ങൾ തടയുന്ന ജനപ്രിയ ടൂളായ ആഡ്ഗാർഡ്-മായി ഈ ഫീച്ചറിനെ താരതമ്യം ചെയ്യുമ്പോൾ പ്രകടമായ വ്യത്യാസങ്ങൾ കാണാൻ സാധിക്കും. പരസ്യങ്ങളെ നേരിട്ട് ലക്ഷ്യമിടുന്നതിന് പകരം, തിരഞ്ഞെടുത്ത ആപ്പുകളിലേക്കുള്ള ഇന്റർനെറ്റ് കണക്ഷൻ വിച്ഛേദിക്കുകയാണ് നെറ്റ്‌വർക്ക് ഗാർഡ് ചെയ്യുന്നത്.
ഇന്റർനെറ്റ് ലഭ്യമല്ലാതാകുമ്പോൾ പരസ്യങ്ങൾക്ക് ലോഡ് ചെയ്യാൻ സാധിക്കാതെ വരുന്നു. എന്നാൽ ഇതിന്റെ പോരായ്മയെന്നോണം ഇന്റർനെറ്റ് അത്യാവശ്യമായ ആപ്പുകൾ ഈ ഫീച്ചർ പ്രവർത്തിക്കുമ്പോൾ ഉപയോഗിക്കാൻ സാധിക്കില്ല.
ഓഫ്‌ലൈനായി പ്രവർത്തിക്കുന്ന സുഡോകു ബൈ ഈസിബ്രെയിൻ, ക്യുആർ & ബാർക്കോഡ് സ്കാനർ ബൈ ഗാമ പ്ലേ എന്നീ ആപ്പുകളിലും, ഓൺലൈൻ കണക്റ്റിവിറ്റി ആവശ്യമുള്ള അക്യുവെതർ ആപ്പിലും നടത്തിയ പരിശോധനകളിൽ നെറ്റ്‌വർക്ക് ഗാർഡ് ഓഫ്‌ലൈൻ ആപ്പുകളിലെ പരസ്യങ്ങൾ പൂർണ്ണമായി തടഞ്ഞതായി കണ്ടെത്തി. എന്നാൽ അക്യുവെതർ പോലെയുള്ള ഓൺലൈൻ ആപ്പുകൾ പ്രവർത്തിക്കാതെ വന്നു.
വെബ്‌സൈറ്റുകളുടെ കാര്യത്തിൽ ബ്രൗസറുകൾ തടഞ്ഞാൽ മാത്രമെ നെറ്റ്‌വർക്ക് ഗാർഡ് ഫലപ്രദമാകൂ. കണക്റ്റിവിറ്റി ലാബ്‌സ് എന്ന രഹസ്യ മെനുവിലാണ് നെറ്റ്‌വർക്ക് ഗാർഡ് ഉൾപ്പെടുത്തിയിരിക്കുന്നത്.
സെറ്റിങ്സിൽ പോയി കണക്ഷൻസ് എടുത്ത്, വൈഫൈ മെനുവിലെ മൂന്ന് ഡോട്ടുകളിൽ ക്ലിക്ക് ചെയ്ത് ഇന്റലിജന്റ് വൈഫൈ തിരഞ്ഞെടുക്കുക. ഇതിൽ പലതവണ ടാപ്പ് ചെയ്യുമ്പോൾ കണക്റ്റിവിറ്റി ലാബ്‌സ് ഈബിൾഡ് എന്ന സന്ദേശം കാണാം.
തുടർന്ന് എഐ നെറ്റ്‌വർക്ക് ഗാർഡ് തിരഞ്ഞെടുത്ത് പിൻ നമ്പർ നൽകി ആപ്പുകൾ നിയന്ത്രിക്കാവുന്നതാണ്. ഉൽപ്പാദനക്ഷമത വർദ്ധിപ്പിക്കുന്നതിനുള്ള ഒരു ഉപാടിയായാണ് സാംസങ് ഇത് നിർമ്മിച്ചിരിക്കുന്നത്.
ബ്രൗസറുകളും ഗെയിമുകളും ഒന്നിച്ച് നിയന്ത്രിക്കാനും ദിവസേനയുള്ള ഷെഡ്യൂളുകൾ നിശ്ചയിക്കാനും ഇതിലൂടെ സാധിക്കും. എന്നാൽ പ്രൈവറ്റ് ഡിഎൻഎസ് വഴി പ്രവർത്തിക്കുന്ന ആഡ്ഗാർഡ് ആപ്പുകളുടെ പ്രവർത്തനത്തെ ബാധിക്കാതെ പരസ്യങ്ങൾ തടയുന്നു.
എങ്കിലും ചില മുഴുവൻ സ്ക്രീൻ പരസ്യങ്ങൾ തടയുന്നതിൽ ആഡ്ഗാർഡിനേക്കാൾ ഫലപ്രദം നെറ്റ്‌വർക്ക് ഗാർഡ് ആണെന്നാണ് പരിശോധനകളിൽ വ്യക്തമാകുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
