ശരീരഭാരം കുറയ്ക്കാൻ ഡയറ്റിൽ ഉൾപ്പെടുത്താം ഈ ആറ് പ്രത്യേക ചായകൾ

ആരോഗ്യകരമായ രീതിയിൽ ശരീരഭാരം കുറയ്ക്കുന്നതിൽ ചില പ്രത്യേക തരം ചായകൾക്ക് നിർണായക പങ്കുണ്ടെന്ന് പഠനങ്ങൾ വ്യക്തമാക്കുന്നു. സസ്യങ്ങളിൽ നിന്നുമാണ് ഹെർബൽ ടീകൾ പ്രധാനമായും നിർമ്മിക്കുന്നത്.

സാധാരണ ചായകളും ഹെർബൽ ചായകളും ആരോഗ്യത്തിന് ഗുണകരമായ ഫൈറ്റോകെമിക്കലുകളാൽ സമ്പന്നവും അതേസമയം കാലറി രഹിതവുമാണ്. ശരീരഭാരം കുറയ്ക്കാൻ ആഗ്രഹിക്കുന്നവർ തങ്ങളുടെ ഭക്ഷണക്രമത്തിൽ ഉൾപ്പെടുത്തേണ്ട

ആറ് പ്രധാന ചായകളെക്കുറിച്ചുള്ള വിവരങ്ങൾ താഴെ നൽകുന്നു. ഗ്രീൻ ടീ
ഗ്രീൻ ടീയിൽ ‘കാറ്റെച്ചിനുകൾ’ ധാരാളമായി അടങ്ങിയിട്ടുണ്ട്.

ഇതിൽ ‘എപ്പിഗാലോകാറ്റെച്ചിൻ ഗാലേറ്റ്’ ഉൾപ്പെടുന്നു. കൂടാതെ ഇതിൽ കഫീനും അടങ്ങിയിരിക്കാറുണ്ട്.

ഈ ഘടകങ്ങൾ ശരീരത്തിലെ ഊർജ്ജ ഉപഭോഗം വർദ്ധിപ്പിക്കാനും കൊഴുപ്പ് വിഘടിപ്പിക്കാനും സഹായിച്ചേക്കാം. കഫീൻ അടങ്ങിയിരിക്കുന്നതിനാൽ ഇത് ഹൃദ്രോഗവും പ്രമേഹവും തടയാൻ സഹായിക്കുകയും ചെയ്യും.

ഓലോംഗ് ചായ
പരമ്പരാഗതമായ ചൈനീസ് ചായയാണ് ഓലോംഗ് ചായകൾ. ആന്റിഓക്സിഡന്റുകളായി പ്രവർത്തിക്കുന്ന കാറ്റെച്ചിനുകൾ ഉൾപ്പെടെയുള്ള പോളിഫെനോളുകളുടെ ഒരു മിശ്രിതം ഓലോങ്ങിൽ അടങ്ങിയിരിക്കുന്നു.

തിളപ്പിച്ച വെള്ളത്തിൽ ഇലകൾ ഇട്ടാണ് ഓലോങ് ചായ ഉണ്ടാക്കുന്നത്. ഒലോങ്ങിൽ കഫീൻ അടങ്ങിയിട്ടുണ്ട്.

ഇഞ്ചി ചായ
ഇഞ്ചി ചായ കുടിക്കുന്നത് ജിഞ്ചറോളുകൾ, ഷോഗാളുകൾ തുടങ്ങിയ സജീവ ഘടകങ്ങൾ വയർ നിറഞ്ഞതായി കൂടുതൽ നേരം തോന്നാനും വിശപ്പ് കുറയ്ക്കാനും സഹായിക്കുന്നു. ഇത് രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും ഇൻസുലിൻ സംവേദനക്ഷമത മെച്ചപ്പെടുത്താനും സഹായിക്കുന്നു.

ചെമ്പരത്തി ചായ
ഭാരം കുറയ്ക്കാൻ മികച്ചതാണ് ചെമ്പരത്തി ചായ. ചെമ്പരത്തി പൂവ് ചൂടുവെള്ളത്തിൽ ഇട്ട് നിറം മാറിയ ഉടൻ മാറ്റിയ ശേഷം വെള്ളത്തിൽ ഒരല്പം നാരങ്ങാനീരും തേനും ചേർത്ത് കുടിച്ചാൽ ചെമ്പരത്തി ചായ റെഡിയായി.

പൂവിൽ അടങ്ങിയിരിക്കുന്ന ഫ്‌ളവനോയിഡുകളും ആന്തോസയാനിനുകളുമാണ് ആന്റിഓക്സിഡന്റ് ഗുണങ്ങളുള്ള സംയുക്തങ്ങൾ. ഇവയാണ് ബി.പിയെയും ഷുഗറിനെയും നിയന്ത്രിക്കുന്നത്.

പെപ്പർമിന്റ് ചായ
പെപ്പർമിന്റ് ഇലകളിലെ എണ്ണ ഓക്കാനം, ദഹനക്കേട്, കുടൽ സിൻഡ്രോമിന്റെ അസ്വസ്ഥതയുള്ള ദഹനനാളത്തിന്റെ ലക്ഷണങ്ങൾ എന്നിവ മെച്ചപ്പെടുത്തും. ഭാരനിയന്ത്രണത്തിന് അത്യുത്തമമാണിത്.

തലവേദനയ്ക്കും ദന്തക്ഷയത്തിനും ഉത്കണ്ഠയ്ക്കും ഉത്തമമരുന്നു കൂടിയാണിത്. കറുവപ്പട്ട

ചായ
കറുവപ്പട്ട ചായയ്ക്ക് നേരിട്ട് കൊഴുപ്പ് ഉരുക്കിക്കളയാൻ കഴിയില്ലെങ്കിലും ഇൻസുലിൻ സംവേദനക്ഷമത മെച്ചപ്പെടുത്തുന്നതിലൂടെയും രക്തത്തിലെ പഞ്ചസാരയുടെ അളവ് ക്രമീകരിക്കുന്നതിലൂടെയും വിശപ്പ് കുറയ്ക്കുന്നതിലൂടെയും ശരീരഭാരം കുറയ്ക്കാൻ സഹായിക്കും.