അമയന്നൂർ: കോൺഗ്രസ് നേതാവും മുൻ ഡിസിസി ജനറൽ സെക്രട്ടറിയുമായ ജേക്കബ് സ്റ്റീഫൻ (77) അന്തരിച്ചു. പരേതനായ പി.സി.സ്റ്റീഫൻ കോർ എപ്പിസ്കോപ്പയുടെ പുത്രനാണ്.
ദീർഘകാലം കോട്ടയം കാർഷിക വികസന ബാങ്ക്, അയർക്കുന്നം സർവീസ് സഹകരണ ബാങ്ക് എന്നിവയുടെ പ്രസിഡന്റായി അദ്ദേഹം സേവനം അനുഷ്ഠിച്ചിട്ടുണ്ട്. മുൻ ജില്ലാ പഞ്ചായത്ത് അംഗം, കേരള സ്റ്റേറ്റ് കാർഷിക വികസന ബാങ്ക്, കോട്ടയം ജില്ലാ സഹകരണ ബാങ്ക് എന്നിവയുടെ മുൻ ഡയറക്ടർ എന്നീ നിലകളിലും പ്രവർത്തിച്ചിട്ടുണ്ട്.
കൂടാതെ ലാൻഡ് ബോർഡ് മെമ്പർ, ആർടിഎ ബോർഡ് മെമ്പർ എന്നീ ചുമതലകളും വഹിച്ചിട്ടുണ്ട്. മലങ്കര ഓർത്തഡോക്സ് സഭാ മുൻ മാനേജിങ് കമ്മിറ്റി അംഗം കൂടിയാണ് അദ്ദേഹം.
കുടുംബവിവരങ്ങൾ:
ഭാര്യ: അമയന്നൂർ വഷണത്തോട്ടത്തിൽ ലീലാമ്മ ജെ. സ്റ്റീഫൻ (റിട്ട.
ജിഎം, ബോഡി ഗിയർ ഇന്റർനാഷണൽ ലിമിറ്റഡ്, കളമശ്ശേരി).
മക്കൾ: ജയന്ത് ജെ. സ്റ്റീഫൻ (ദുബായ്), എബ്രഹാം ജെ.
സ്റ്റീഫൻ (ന്യൂയോർക്).
മരുമക്കൾ: നിലീന പഞ്ഞിക്കാരൻ (അങ്കമാലി), ഷീന ജോസഫ് പുളിക്കക്കുഴിയിൽ (തിരുവനന്തപുരം). സംസ്കാര വിവരങ്ങൾ:
പൊതുദർശനത്തിനായി ഭൗതികശരീരം വരുന്ന 23ന് വൈകിട്ട് 3 മണിക്ക് അമയന്നൂർ പൂതിരിക്കലുള്ള വസതിയിൽ എത്തിക്കും.
തുടർന്ന് ശനിയാഴ്ച ഉച്ചയ്ക്ക് 2 മണിക്ക് ഭവനത്തിലെ ശുശ്രൂഷകൾക്ക് ശേഷം 3 മണിക്ക് അമയന്നൂർ കഴുന്നുവലം മെത്രാൻചേരി സെന്റ് തോമസ് ഓർത്തഡോക്സ് പള്ളിയിൽ സംസ്കാര ചടങ്ങുകൾ നടക്കും.
