എസ്എംഎ രോഗബാധിതരായ കുട്ടികൾക്ക് നൽകിയ മരുന്ന് തിരികെ വിളിച്ച് ആരോഗ്യ വകുപ്പ്

തിരുവനന്തപുരം: മരുന്നു പരീക്ഷണവുമായി ബന്ധപ്പെട്ട വിവാദങ്ങൾക്കൊടുവിൽ, എസ്എംഎ (സ്പൈനൽ മസ്കുലർ അട്രോഫി) രോഗബാധിതരായ കുട്ടികൾക്ക് വിതരണം ചെയ്ത മരുന്ന് ആരോഗ്യ വകുപ്പ് തിരികെ വിളിച്ചു.

തിരുവനന്തപുരം എസ്എടി ആശുപത്രിയാണ് ക്ലിനിക്കൽ ട്രയൽ എന്ന് രേഖപ്പെടുത്തിയ മരുന്നുകൾ അടിയന്തരമായി തിരിച്ചെത്തിക്കാൻ ഉത്തരവിട്ടത്. രോഗബാധിതരായ ആറു കുട്ടികളുടെ മാതാപിതാക്കൾക്കാണ് ‘ക്ലിനിക്കൽ ട്രയൽ’ എന്ന് ലേബൽ ചെയ്ത മരുന്നുകൾ അധികൃതർ നൽകിയിരുന്നത്.

ഈ മരുന്നുകൾ യാതൊരുവിധ മുൻവൈകസ്യങ്ങളും കൂടാതെ ഉടൻ തന്നെ ആശുപത്രിയിൽ തിരികെ എത്തിക്കണമെന്നാണ് കർശന നിർദ്ദേശം നൽകിയിരിക്കുന്നത്. അതേസമയം, ക്ലിനിക്കൽ ട്രയൽ എന്ന് രേഖപ്പെടുത്താത്ത മറ്റു മരുന്നുകളുടെ വിതരണവും സ്ഥിതിഗതികളും അധികൃതർ വിലയിരുത്തി വരികയാണ്.