ഡൽഹിയിലെ ജന്തർ മന്തറിൽ നടന്ന അനധികൃത പ്രതിഷേധവുമായി ബന്ധപ്പെട്ട് ഉയർന്ന ഹൈക്കോടതി പരാമർശങ്ങളിൽ സമൂഹമാധ്യമത്തിലൂടെ പരിഹാസവുമായി കോക്‌റോച്ച് ജനതാ പാർട്ടി നേതാവ് അഭിജീത് ദീപ്‌കെ രംഗത്ത്. സി.ജെ.പി നേതാക്കളായ സൗരവ് ദാസ്, അശുതോഷ് രങ്ക എന്നിവർ ‘ജെൻസി’ അല്ലെന്ന തരത്തിലുള്ള ഡൽഹി ഹൈക്കോടതിയുടെ നിരീക്ഷണത്തെയാണ് അദ്ദേഹം ട്രോളിയത്.
പ്രധാനമന്ത്രി നരേന്ദ്ര മോദിയുടെ ചിത്രം പങ്കുവെച്ചുകൊണ്ട് ‘ജെൻസി യോഗ്യത നേടിയ രാജ്യത്തെ ഒരേയൊരു വ്യക്തി ഇതാണ്’ എന്ന് അഭിജീത് ദീപ്‌കെ എക്സ് പ്ലാറ്റ്‌ഫോമിൽ കുറിക്കുകയുണ്ടായി. നേതാക്കളുടെ കസ്റ്റഡി ഉത്തരവ് ചോദ്യം ചെയ്തുകൊണ്ട് സമർപ്പിക്കപ്പെട്ട
ഹർജി പരിഗണിക്കുന്ന വേളയിലാണ് ഡൽഹി ഹൈക്കോടതിയിൽ നിന്ന് രൂക്ഷമായ വിമർശനങ്ങൾ ഉണ്ടായത്. ജുഡീഷ്യൽ കസ്റ്റഡി കാലാവധി അവസാനിച്ചതിന്റെ പശ്ചാത്തലത്തിൽ ഇരുവരെയും ഇന്ന് സ്പെഷ്യൽ എക്സിക്യൂട്ടീവ് മജിസ്ട്രേറ്റിന് മുമ്പാകെ ഹാജരാക്കിയിട്ടുണ്ട്.
കോടതി വിഷയം ഉടൻ തന്നെ പരിഗണനയ്‌ക്കെടുക്കും. ബോണ്ട് വ്യവസ്ഥകൾ ലംഘിക്കപ്പെട്ടതായി ചൂണ്ടിക്കാണിച്ച ഹൈക്കോടതി, ആദ്യഘട്ടത്തിൽ തന്നെ ഇത്തരം ലംഘനങ്ങൾ ഉണ്ടാകുന്നത് ശരിയായ രീതിയല്ലെന്നും വ്യക്തമാക്കി.
അനുമതി ലഭ്യമാക്കാതെ ബാരിക്കേഡുകൾ തകർത്ത് ജന്തർ മന്തർ മേഖലയിലേക്ക് അതിക്രമിച്ചു കയറുന്നത് ഗുരുതരമായ ക്രമസമാധാന പ്രശ്നങ്ങൾക്ക് കാരണമാകും. വിദേശ രാജ്യങ്ങളിലെ സമാന പ്രതിഷേധങ്ങളുടെ ഉദാഹരണങ്ങൾ ചൂണ്ടിക്കാട്ടി, ഇത്തരം സമരങ്ങൾ അക്രമാസക്തമായി മാറാൻ സാധ്യതയുണ്ടെന്നും കോടതി ഓർമ്മിപ്പിച്ചു.
27 വയസ്സും 31 വയസ്സും പ്രായമുള്ള ഹർജിക്കാർ ‘ജെൻസി’ വിഭാഗത്തിൽ ഉൾപ്പെടുന്നവരല്ലെന്ന് നിരീക്ഷിച്ച കോടതി, സമാധാനാന്തരീക്ഷത്തിന് ഭീഷണി ഉയരുന്ന ഘട്ടങ്ങളിൽ ഇത്തരം കാര്യങ്ങൾ മജിസ്ട്രേറ്റിന് പരിശോധിക്കേണ്ടി വരുമെന്നും വ്യക്തമാക്കി. ഒപ്പം, സംഭവത്തിൽ സംഘടനയുടെ ഉദ്ദേശ്യശുദ്ധി തന്നെ സംശയ നിഴലിലാണെന്നും കോടതി മുന്നറിയിപ്പ് നൽകി.
സ്പെഷ്യൽ എക്സിക്യൂട്ടീവ് മജിസ്ട്രേറ്റ് കോടതി പരിഗണിക്കാനിരുന്ന വിഷയത്തിൽ എന്തിനാണ് നേരിട്ട് ഹൈക്കോടതിയിൽ റിട്ട് ഹർജി സമർപ്പിച്ചത് എന്ന് ജസ്റ്റിസ് സുബ്രഹ്മണ്യം പ്രസാദ് ആരാഞ്ഞു. കീഴ്‌ക്കോടതിയെ സമീപിക്കാതെ നേരിട്ട് ഹൈക്കോടതിയിലെത്തിയ നടപടിയിൽ കോടതി കടുത്ത അതൃപ്തിയാണ് രേഖപ്പെടുത്തിയത്.
തുടർന്ന് കോടതിയുടെ ഈ അതൃപ്തിയെത്തുടർന്ന് ഹർജി പിൻവലിക്കാൻ ഹർജിക്കാരന്റെ അഭിഭാഷകൻ തയ്യാറാകുകയായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
