യെമനിൽ സർക്കാരിന്റെ നിയന്ത്രണത്തിലുള്ള ഏദൻ രാജ്യാന്തര വിമാനത്താവളത്തിൽ ഉണ്ടായ ബാലിസ്റ്റിക് മിസൈൽ ആക്രമണത്തിൽനിന്ന് യാത്രാവിമാനം വലിയ ദുരന്തത്തിൽനിന്ന് അത്ഭുതകരമായി രക്ഷപ്പെട്ടു. ഈജിപ്ത് തലസ്ഥാനമായ കയ്റോയിലേക്കു പറക്കാനൊരുങ്ങിനിന്ന യെമനിയ എയർവേയ്സിന്റെ ഐവൈ 612 വിമാനത്തിൽനിന്ന് 500 മീറ്റർ അകലെയാണ് മിസൈൽ പതിച്ചത്.
പ്രധാന റൺവേയിൽനിന്ന് 100 മീറ്റർ മാത്രം ദൂരത്തായിരുന്നു ഈ സ്ഫോടനം. വിമാനത്തിലുണ്ടായിരുന്ന യാത്രക്കാരും ജീവനക്കാരും പൂർണ്ണ സുരക്ഷിതരാണെന്ന് അധികൃതർ അറിയിച്ചു.
ഹൂതികൾ നടത്തിയ ഈ ആക്രമണത്തിൽ സൗദി സഖ്യസേനയുടെ ആയുധപ്പുരയും തകർന്നിട്ടുണ്ട്. അതിനിടെ, ചെങ്കടലിൽ യെമൻ തീരത്ത് പ്രകൃതിവാതകവുമായി സഞ്ചരിച്ച ടാങ്കറിനു നേരെ സായുധ സംഘം വെടിയുതിർത്തു.
എന്നാൽ ടാങ്കറിലെ സുരക്ഷാസേന ഉടൻതന്നെ തിരിച്ചടിച്ചു, ഇതോടെ അക്രമികൾ പിൻവാങ്ങാൻ നിർബന്ധിതരായി. റിയാദ് ലക്ഷ്യമാക്കി എത്തിയ ഹൂതികളുടെ നാല് ഡ്രോണുകൾ ഇന്നലെ സൗദി സഖ്യസേന വിജയകരമായി തകർത്തു.
ഇതിനു മറുപടിയായുള്ള പ്രത്യാക്രമണത്തിൽ ഹൂതികളുടെ മിസൈൽ ലോഞ്ചറുകളും തകർക്കപ്പെടുകയുണ്ടായി. ഇതിനുപുറമേ, ഹോർമുസ് കടലിടുക്കിൽ ഇറാൻ സ്ഥാപിച്ച ബോംബുകൾ പൊട്ടിത്തെറിച്ച് രണ്ട് എണ്ണക്കപ്പലുകൾക്ക് തീപിടിച്ചു.
സുരക്ഷാ നിയന്ത്രണങ്ങൾ ലംഘിച്ച് മുന്നോട്ടുനീങ്ങിയ കപ്പലുകളാണ് അപകടത്തിൽപ്പെട്ടതെന്ന് ഇറാൻ റവലൂഷനറി ഗാർഡ് വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
