നഗരത്തിന്റെ പൊതുസുരക്ഷ മുൻനിർത്തിയും അനധികൃത ഡ്രോൺ പറത്തലുകൾ കർശനമായി തടയുന്നതിന്റെയും ഭാഗമായി പുതിയ സുരക്ഷാ മാനദണ്ഡങ്ങൾ പ്രഖ്യാപിച്ചു. നിലവിൽ ഡ്രോൺ ഉപയോഗിക്കുന്നവരും പുതുതായി വാങ്ങാൻ ഉദ്ദേശിക്കുന്നവരുമായ മുഴുവൻ വ്യക്തികളും തങ്ങളുടെ കൈവശമുള്ള ഡ്രോണുകളുടെ വിവരങ്ങൾ പൊലീസിൽ നിർബന്ധമായും രജിസ്റ്റർ ചെയ്യണമെന്ന് അധികൃതർ അറിയിച്ചു.
രജിസ്‌ട്രേഷൻ നടപടികൾ വൈകിയാൽ കർശന നിയമനടപടികൾ നേരിടേണ്ടി വരുമെന്നും മുന്നറിയിപ്പിൽ വ്യക്തമാക്കുന്നു. തിരുവനന്തപുരം സിറ്റി പൊലീസ് കമ്മിഷണർ ഓഫീസിലെ ‘സിറ്റി സ്പെഷ്യൽ ബ്രാഞ്ച്’ യൂണിറ്റിലോ അല്ലെങ്കിൽ അതത് പ്രദേശങ്ങളിലെ പൊലീസ് സ്റ്റേഷനുകളിലോ ആണ് ഉടമകൾ വിവരങ്ങൾ നൽകേണ്ടത്.
രജിസ്റ്റർ ചെയ്യാനായി ഡ്രോൺ ഉടമയുടെ പേര്, പൂർണ്ണ വിലാസം, ഫോൺ നമ്പർ എന്നിവയോടൊപ്പം ഡ്രോണിന്റെ കമ്പനി, മോഡൽ, സീരിയൽ നമ്പർ തുടങ്ങിയ നിർണ്ണായക വിവരങ്ങളും സമർപ്പിക്കണം. നിയമപരമായ സുരക്ഷ ഉറപ്പാക്കിക്കൊണ്ട് ഡ്രോണുകൾ പ്രവർത്തിപ്പിക്കുന്നതിനായി ഉടമകൾ എത്രയും പെട്ടെന്ന് തന്നെ ഈ നടപടിക്രമങ്ങൾ പൂർത്തിയാക്കണമെന്ന് അധികൃതർ അഭ്യർത്ഥിച്ചു.
ഈ വിഷയവുമായി ബന്ധപ്പെട്ട് എന്തെങ്കിലും സംശയങ്ങളോ കൂടുതൽ വിവരങ്ങളോ ആവശ്യമുണ്ടെങ്കിൽ തിരുവനന്തപുരം സിറ്റി സ്പെഷ്യൽ ബ്രാഞ്ച് ഓഫീസുമായി ബന്ധപ്പെടാവുന്നതാണ്. വിവരങ്ങൾക്കായി 9497975050, 0471 2321399 എന്നീ ഫോൺ നമ്പറുകളിൽ ബന്ധപ്പെടാമെന്നും പൊലീസ് അറിയിപ്പിൽ വ്യക്തമാക്കിയിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
