കൊച്ചി ∙കേരള സ്റ്റാർട്ടപ് മിഷനിൽ ‘ടൈ യൂണിവേഴ്സിറ്റി’ പദ്ധതിക്ക് തുടക്കമായി. കോളജ് സ്റ്റാർട്ടപ്പുകളെയും സ്ഥാപകരെയും പ്രായോഗികവും സുസ്ഥിരവുമായ സംരംഭങ്ങളായി വളർത്താൻ സഹായിക്കുന്ന പദ്ധതിയാണു ടൈ യൂണിവേഴ്സിറ്റി. ബിസിനസ് ആശയമുള്ള കോളജ് വിദ്യാർഥികൾക്കു ടൈ യൂണിവേഴ്സിറ്റി പ്രോഗ്രാമിനായി റജിസ്റ്റർ ചെയ്യാനും ആശയങ്ങൾ അവതരിപ്പിക്കാനും സാധിക്കും.
കേരള ഡിജിറ്റൽ സർവകലാശാല വൈസ് ചാൻസലർ ഡോ. സജി ഗോപിനാഥ് പദ്ധതി ഉദ്ഘാടനം ചെയ്തു. ചടങ്ങിൽ, ടൈ കേരള പ്രസിഡന്റ് ദാമോദർ അവനൂർ അധ്യക്ഷത വഹിച്ചു. ടൈ യൂണിവേഴ്സിറ്റി ചെയർ വിനോദിനി സുകുമാർ, കേരള സ്റ്റാർട്ടപ് മിഷൻ സിഇഒ അനൂപ് അംബിക, ഡോ. ജീമോൻ കോര, ജേക്കബ് ജോയ്, വിവേക് കൃഷ്ണ ഗോവിന്ദ് എന്നിവർ പ്രസംഗിച്ചു.
English Summary: The beginning of Tai University
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
