പ്രായത്തെ വെല്ലുന്ന ആത്മവിശ്വാസം; നൃത്തപഠനവുമായി മലയോരത്തെ ഒമ്പത് അമ്മമാർ

നൃത്തപഠനമെന്ന ബാല്യകാല സ്വപ്നത്തിന് പ്രായം തടസ്സമല്ലെന്ന് തെളിയിക്കുകയാണ് മലയോര മേഖലയിലെ ഒമ്പത് വീട്ടമ്മമാർ. വർഷങ്ങളായി മനസ്സിൽ താലോലിച്ചിരുന്ന ആഗ്രഹം സാക്ഷാത്കരിക്കാൻ ഉറച്ച തീരുമാനത്തോടെ ഇവർ ഭരതനാട്യ പഠനകളരിയിൽ സജീവമായിരിക്കുകയാണ്.

വെള്ളരിക്കുണ്ട് തപസ്യ നൃത്തപാഠശാലയിലെ അധ്യാപകനായ സന്തോഷ് നാട്യാഞ്ജലിയുടെ ശിക്ഷണത്തിലാണ് ഈ അമ്മമാർ നൃത്തം അഭ്യസിക്കുന്നത്. സ്മിത സുമേഷ്, രൂപമോൾ, ശ്രീകല സുരേഷ്, യു.

രജനി, രജിത ആർ. നായർ, എ.

വി. ശോണിത, കെ.

എസ്. സുസ്മിത, വി.

വി. ഷീല, ശിവപ്രിയ നാരായണൻ എന്നിവരാണ് ഈ കൂട്ടായ്മയിലുള്ളത്.

മുപ്പതിനും അൻപതിനും ഇടയിൽ പ്രായമുള്ള ഇവർ വിവിധ തൊഴിൽ മേഖലകളിൽ ജോലി ചെയ്യുന്നവരുമാണ്. തങ്ങളുടെ സ്വന്തം മക്കളെ നൃത്തം പഠിപ്പിക്കാൻ ഈ സ്ഥാപനത്തിൽ എത്തിയപ്പോഴാണ് ഈ വീട്ടമ്മമാരുടെ ഉള്ളിലുണ്ടായിരുന്ന അഭിനിവേശം വീണ്ടും പുനർജനിച്ചത്.

വീട്ടുജോലികളും കുടുംബപരമായ ഉത്തരവാദിത്വങ്ങളും വിവിധ തൊഴിലുകളുടെ തിരക്കുകളും മാറ്റിവെച്ച് കൃത്യസമയത്ത് ഇവർ പരിശീലന ക്ലാസുകളിൽ എത്തിച്ചേരുന്നുണ്ട്. കഠിനമായ ചിട്ടയായ പരിശീലനത്തിലൂടെ ഈ ഒമ്പത് അമ്മമാരെയും നൃത്തവേദിയിലെത്തിക്കാനാണ് ഗുരു സന്തോഷ് ലക്ഷ്യമിടുന്നത്.

ഇതിനായുള്ള തീവ്ര പരിശീലനത്തിലാണ് നിലവിൽ ഈ സംഘം.