സ്മാർട്ട്ഫോൺ ഉപയോഗത്തിലെ അമിതമായ സമയം കളയൽ ഒഴിവാക്കാനും ജോലിയിൽ കൂടുതൽ ശ്രദ്ധ കേന്ദ്രീകരിക്കാനും സഹായിക്കുന്ന പുതിയ ആപ്ലിക്കേഷനാണ് ഫോക്കസ് ഫ്രണ്ട്. പരമ്പരാഗത പോമോഡോറോ ടൈമറുകളിൽ നിന്നും വ്യത്യസ്തമായി ഗെയിമിംഗ് അനുഭവം നൽകുന്ന ഈ ആപ്പ് വികസിപ്പിച്ചത് പ്രശസ്ത ഇന്റർനെറ്റ് വിദ്യാഭ്യാസ വിദഗ്ദ്ധനായ ഹങ്ക് ഗ്രീൻ ആണ്.
ആപ്പിന്റെ പ്രവർത്തനരീതി ഉപയോക്താക്കളെ വളരെയധികം ആകർഷിക്കുന്നുണ്ട്. ജോലി ചെയ്യുമ്പോൾ സ്ക്രീനിൽ കാണുന്ന വെർച്വൽ ബീൻ കഥാപാത്രം കമ്പിളി നൂൽ കൊണ്ട് സോക്സുകൾ നിർമ്മിക്കുന്നതാണ് ഇതിന്റെ രീതി.
നിശ്ചിത സമയത്തേക്ക് ടൈമർ സെറ്റ് ചെയ്ത് ജോലി പൂർത്തിയാക്കുമ്പോൾ ലഭിക്കുന്ന സോക്സുകൾ ഉപയോഗിച്ച് വെർച്വൽ മുറി അലങ്കരിക്കാൻ സാധിക്കും. എന്നാൽ ടൈമർ അവസാനിക്കുന്നതിന് മുൻപ് ആപ്പിൽ നിന്നും പുറത്തുപോവുകയോ സ്റ്റോപ്പ് ബട്ടൺ അമർത്തുകയോ ചെയ്താൽ ഈ പുരോഗതി നഷ്ടപ്പെടുകയും ചെയ്യും.
ആപ്പിന്റെ ‘ഡീപ് ഫോക്കസ്’ മോഡ് സജീവമാക്കുമ്പോൾ മറ്റ് സോഷ്യൽ മീഡിയ ആപ്പുകൾ ഉപയോഗിക്കുന്നതിൽ നിന്നും തടസ്സങ്ങൾ സൃഷ്ടിക്കാൻ ഇതിന് സാധിക്കും. അടിസ്ഥാനപരമായ പിന്റോ ബീൻ കൂടാതെ എഡമാമെ, കോഫി ബീൻ അല്ലെങ്കിൽ കിറ്റി ബീൻ എന്നിങ്ങനെ വിവിധതരം കൂട്ടുകാരെയും ഇതിൽ തെരഞ്ഞെടുക്കാം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
