ഭാരനിയന്ത്രണത്തിന് പംപ്കിൻ സീഡ്‌സോ സൺഫ്‌ളവർ സീഡ്‌സോ; ഏതാണ് കൂടുതൽ ഗുണകരം?

സമൂഹമാധ്യമങ്ങളിൽ ആരോഗ്യപരമായ ഗുണങ്ങൾ വാഗ്ദാനം ചെയ്യുന്ന ‘സൂപ്പർ ഫുഡ്‌സ്’ എന്നറിയപ്പെടുന്ന ഭക്ഷണവിഭവങ്ങൾക്ക് വലിയ പ്രചാരമാണ് ലഭിച്ചുകൊണ്ടിരിക്കുന്നത്. ഫിറ്റ്‌നസ് ട്രെയിനർമാരുടെ നിർദ്ദേശങ്ങളും വിവിധ പരസ്യങ്ങളും വഴി ഇവയുടെ ഉപയോഗം വർധിച്ചിട്ടുണ്ട്.

ഇത്തരത്തിൽ ഏറെ ചർച്ച ചെയ്യപ്പെടുന്ന രണ്ട് വിഭവങ്ങളാണ് പംപ്കിൻ സീഡ്‌സ് (മത്തങ്ങക്കുരു) അഥവാ സൺഫ്‌ളവർ സീഡ്‌സ് (സൂര്യകാന്തി വിത്തുകൾ). ഇവ രണ്ടും ശരീരഭാരം കുറയ്ക്കാൻ സഹായിക്കുമോ എന്നും, ഇവയിൽ ഏതാണ് കൂടുതൽ ഫലപ്രദമെന്നും പരിശോധിക്കേണ്ടതുണ്ട്.

കലോറി മൂല്യവും പോഷക ഘടനയും ഏകദേശം 30 ഗ്രാം വീതം ഈ വിത്തുകൾ താരതമ്യം ചെയ്യുമ്പോൾ രണ്ടിനിലും 150-ൽ അധികം കലോറി അടങ്ങിയിട്ടുള്ളതായി കാണാം. 30 ഗ്രാം പംപ്കിൻ സീഡ്‌സിൽ 166 കലോറിയും സൺഫ്‌ളവർ സീഡ്‌സിൽ 183 കലോറിയുമാണ് ഉള്ളത്.

പ്രോട്ടീന്റെ അളവ് പരിശോധിക്കുമ്പോൾ പംപ്കിൻ സീഡ്‌സിൽ 8.9 ഗ്രാം പ്രോട്ടീനും, സൺഫ്‌ളവർ സീഡ്‌സിൽ 5.6 ഗ്രാം പ്രോട്ടീനുമാണുള്ളത്. കാർബോഹൈഡ്രേറ്റിന്റെ കാര്യത്തിൽ സൺഫ്‌ളവർ സീഡ്‌സിൽ 7.35 ഗ്രാമും പംപ്കിൻ സീഡ്‌സിൽ 5.61 ഗ്രാമും അടങ്ങിയിരിക്കുന്നു.

കൊഴുപ്പിന്റെ അംശം പരിശോധിച്ചാൽ പംപ്കിൻ സീഡ്‌സിൽ 12 ഗ്രാം കൊഴുപ്പാണ് അടങ്ങിയിരിക്കുന്നത്. കലോറിയും പ്രോട്ടീൻ ഘടകങ്ങളും വിശകലനം ചെയ്യുമ്പോൾ ഭാരനിയന്ത്രണത്തിന് പംപ്കിൻ സീഡ്‌സ് താരതമ്യേന മികച്ചൊരു തിരഞ്ഞെടുപ്പായി കരുതാം.

ആരോഗ്യ ഗുണങ്ങൾ മഗ്നീഷ്യം, ഫോസ്ഫറസ്, അയേൺ, സിങ്ക് തുടങ്ങിയ അവശ്യ ധാതുക്കളുടെ കലവറയാണ് ഈ രണ്ട് വിത്തുകളും. ഇവയിൽ സൺഫ്‌ളവർ സീഡ്‌സിൽ ഫൈബർ അഥവാ നാരുകൾ താരതമ്യേന കൂടുതലായുണ്ട്.

ഇത് രക്തത്തിലെ പഞ്ചസാരയുടെ അളവ് ക്രമീകരിക്കുന്നതിന് ഫലപ്രദമാണ്. ശ്രദ്ധിക്കേണ്ട

കാര്യങ്ങൾ അധിക അളവിൽ കലോറി അടങ്ങിയിട്ടുള്ളതിനാൽ ഈ വിത്തുകൾ അമിതമായി കഴിക്കുന്നത് ശരീരഭാരം കുറയ്ക്കുന്നതിന് തടസ്സമായേക്കാം. അതിനാൽ ദിവസേന കഴിക്കുന്ന അളവിൽ കൃത്യമായ നിയന്ത്രണം പാലിക്കേണ്ടത് അത്യാവശ്യമാണ്.

സാധാരണയായി 2000 കലോറി അടങ്ങിയ ഭക്ഷണക്രമം പിന്തുടരുന്നവർ ദിവസവും ഏകദേശം രണ്ടര ഔൺസ് നട്‌സുകളും സീഡ്‌സുകളും മാത്രം ഉൾപ്പെടുത്തുന്നതാണ് ഉചിതം. ഒരു ടേബിൾ സ്പൂൺ വീതം ദിവസവും ഉപയോഗിക്കുന്നത് ആരോഗ്യത്തിന് ഗുണകരമായിരിക്കും.