എറണാകുളം രാമവർമ ക്ലബിൽ സംഘടിതമായി നടന്ന ചടങ്ങിൽ, ഹിന്ദു ഇക്കണോമിക് ഫോറം എറണാകുളം ജില്ലാ കമ്മിറ്റിയുടെ 2026-27 വർഷത്തേക്കുള്ള പുതിയ ഭാരവാഹികൾ ഔദ്യോഗികമായി ചുമതലയേറ്റു. ചടങ്ങിൽ വിവേക് ഷേണായ് ജില്ലാ പ്രസിഡന്റായും അരുൺ നായർ ജില്ലാ സെക്രട്ടറിയായും നേതൃസ്ഥാനം ഏറ്റെടുത്തു.
സംരംഭകരുടെയും പ്രൊഫഷണലുകളുടെയും പ്രമുഖ വ്യവസായ കൂട്ടായ്മയായ ഈ സംഘടനയ്ക്ക് കേരളത്തിൽ നിലവിൽ 700-ലധികം അംഗങ്ങളാണുള്ളത്. സംസ്ഥാന പ്രസിഡന്റ് രാജൻ സി അച്യുതൻ ചടങ്ങിൽ അധ്യക്ഷപ്രസംഗം നിർവഹിച്ചു.
സംസ്ഥാന ജനറൽ സെക്രട്ടറി പ്രഭാത് കെ, സംസ്ഥാന ട്രഷറർ മോഹൻദാസ് അഞ്ചേരി എന്നിവർ ചടങ്ങിൽ സന്നിഹിതരായി നവനിയുക്ത ഭാരവാഹികൾക്ക് ആശംസകൾ നേർന്നു. സംസ്ഥാന എക്സിക്യൂട്ടീവ് കമ്മിറ്റി അംഗങ്ങൾ, തൃശ്ശൂർ ജില്ലാ കമ്മിറ്റി അംഗങ്ങൾ, എറണാകുളം ജില്ലയിലെ വിവിധ ചാപ്റ്ററുകളുടെ പ്രതിനിധികൾ എന്നിവരും ചടങ്ങിൽ പങ്കെടുത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
