ഗൂഗിളിന്റെ പുതിയ പിക്സൽ 11 സീരീസ് സ്മാർട്ട്ഫോണുകളിൽ അവതരിപ്പിച്ച അത്യാധുനിക എഐ വോയ്സ് ടൈപ്പിംഗ് ഫീച്ചറായ ‘റാംബ്ലർ’ ഇനി മറ്റ് ആൻഡ്രോയിഡ് ഫോണുകളിലേക്കും. ഗൂഗിൾ സാധാരണയായി തങ്ങളുടെ പുതിയ ഫോണുകളിൽ മാത്രം ഒതുക്കിനിർത്താറുള്ള ഈ സവിശേഷതയ്ക്ക് ബദലായി പ്രശസ്ത കീബോർഡ് ആപ്പായ സ്വിഫ്റ്റ്കീ സമാനമായ എഐ വോയ്സ് ടൈപ്പിംഗ് ഫീച്ചർ ആൻഡ്രോയിഡ് ഉപയോക്താക്കൾക്കായി എത്തിക്കുകയാണ്.
നിലവിൽ സ്വിഫ്റ്റ്കീ ബീറ്റ പതിപ്പിലാണ് ഈ പുതിയ ഫീച്ചർ ലഭ്യമാക്കിയിരിക്കുന്നത്. പരമ്പരാഗത വോയ്സ് ടൈപ്പിംഗിൽ നിന്ന് വ്യത്യസ്തമായി, സംസാരത്തിലെ അനാവശ്യ വാക്കുകളും പദങ്ങളുമെല്ലാം ഒഴിവാക്കി കൃത്യമായ ഫോർമാറ്റിൽ ടെക്സ്റ്റ് നൽകാൻ എഐ ടൂളുകൾക്ക് സാധിക്കുന്നുണ്ട്.
സ്വിഫ്റ്റ്കീയുടെ ബീറ്റ പതിപ്പിൽ മൈക്രോഫോൺ ഐക്കണിൽ ടാപ്പ് ചെയ്യുമ്പോൾ എഐ വോയ്സ് മോഡൽ ഡൗൺലോഡ് ചെയ്യാനുള്ള ഓപ്ഷൻ ലഭിക്കും. ഡിവൈസിൽ നേരിട്ട് പ്രൊസസ്സ് ചെയ്യുന്നതിനാൽ ഇൻ്റർനെറ്റ് ഇല്ലാതെയും ഈ ഫീച്ചർ പ്രവർത്തിക്കുമെന്നത് ഉപയോക്താക്കൾക്ക് വലിയൊരു നേട്ടമാണ്.
ഫീച്ചറുകളുടെ കാര്യത്തിൽ പിക്സൽ 11-ന്റെ റാംബ്ലർ തന്നെയാണ് മുന്നിൽ നിൽക്കുന്നത്. സംസാരത്തിനിടയിൽ വരുത്തുന്ന തിരുത്തലുകൾ കൃത്യമായി മനസ്സിലാക്കാനും, വാചകങ്ങളുടെ ടോൺ മാറ്റാനും, ഇമോജികൾ ചേർക്കാനുമുള്ള സവിശേഷതകൾ ഓൺലൈൻ മോഡിൽ പ്രവർത്തിക്കുന്ന റാംബ്ലറിലുണ്ട്.
എന്നാൽ സ്വിഫ്റ്റ്കീയുടെ കാര്യത്തിൽ അടിസ്ഥാനപരമായ വോയ്സ് ടൈപ്പിംഗ് വളരെ വേഗത്തിലും കൃത്യതയോടെയും നടക്കുന്നുണ്ട് എന്നതാണ് പ്രത്യേകത. ലഭ്യതയുടെ കാര്യത്തിൽ സ്വിഫ്റ്റ്കീ വലിയൊരു മാറ്റമാണ് കൊണ്ടുവരുന്നത്.
ചില പ്രത്യേക ഫ്ലാഗ്ഷിപ്പ് ഫോണുകളിൽ മാത്രം ഒതുങ്ങിനിൽക്കുന്ന ഗൂഗിളിന്റെ സംവിധാനത്തിന് വിപരീതമായി, മിക്ക ആൻഡ്രോയിഡ് ഫോണുകളിലും ഈ എഐ വോയ്സ് ടൈപ്പിംഗ് അനുഭവം ആസ്വദിക്കാൻ സ്വിഫ്റ്റ്കീ വഴിയൊരുക്കുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
