കെവിഎസ് ദേശീയ അത്‌ലറ്റിക് മീറ്റ്: മൂന്നാം ദിനത്തിലും തിളങ്ങി യുവപ്രതിഭകൾ; മത്സരഫലങ്ങൾ ഇങ്ങനെ

തിരുവനന്തപുരം കാര്യവട്ടം സായ്-എൽഎൻസിപിഇ ഗ്രൗണ്ടിൽ നടന്നുവരുന്ന 55-ാമത് കെവിഎസ് ദേശീയ അത്‌ലറ്റിക് മീറ്റ് (ബോയ്സ്) 2026-27-ന്റെ മൂന്നാം ദിവസവും കടുത്ത മത്സരങ്ങളാണ് ട്രാക്കിലും ഫീൽഡിലും അരങ്ങേറിയത്. രാജ്യത്തെ വിവിധ ഭാഗങ്ങളിൽ നിന്നുള്ള യുവതാരങ്ങൾ ആവേശകരമായ പ്രകടനമാണ് കാഴ്ചവെച്ചത്.

അണ്ടർ-17 ബോയ്സ് 5000 മീറ്റർ നടത്ത മത്സരത്തോടെയാണ് മൂന്നാം ദിനത്തിലെ പോരാട്ടങ്ങൾക്ക് തുടക്കമായത്. ഈ ഇനത്തിൽ ജയ്പൂർ റീജിയണിലെ യാഷ് സോളങ്കി സ്വർണമെഡൽ സ്വന്തമാക്കി.

ഹൈദരാബാദ് റീജിയണിലെ റിഷഭ് സിങ് വെള്ളിയും റായ്പൂർ റീജിയണിലെ വാസുദേവ് ഉമ്രെ വെങ്കലവും നേടി. തുടർന്ന് നടന്ന അണ്ടർ-19 ബോയ്സ് 5000 മീറ്റർ നടത്തത്തിൽ ഡൽഹി റീജിയണിലെ അർസ്‌ലാൻ ഖാൻ സ്വർണം കരസ്ഥമാക്കിയപ്പോൾ, കാർത്തിക്‌രാജ് പി.

ആർ. വെള്ളിയും വാരണാസി റീജിയണിലെ അങ്കിത് കുമാർ വെങ്കലവും സ്വന്തമാക്കി. ഫീൽഡ് ഇനങ്ങളിലും മികച്ച പോരാട്ടമാണ് കണ്ടത്.

അണ്ടർ-17 ബോയ്സ് ലോംഗ് ജംപിൽ അഹമ്മദാബാദ് റീജിയണിലെ ഹിതേഷ് കുമാർ മികച്ച പ്രകടനത്തിലൂടെ സ്വർണമെഡൽ ചൂടി. ഇതേ റീജിയണിലെ ഹർഷ് ചൗധരി വെള്ളിയും ഭുവനേശ്വർ റീജിയണിലെ പ്രസാദ് ഖതുവ വെങ്കലവും നേടി.

അണ്ടർ-19 ബോയ്സ് ലോംഗ് ജംപിൽ ആഗ്ര റീജിയണിലെ മാദവ് പചഹാര വിജയജംപിലൂടെ സ്വർണവും കൊൽക്കത്ത റീജിയണിലെ മേഘാദ്രി സാഹ വെള്ളിയും ഹൈദരാബാദ് റീജിയണിലെ കെ. വെങ്കട

കൃഷ്ണ മോഹൻ റെഡ്ഡി വെങ്കലവും കരസ്ഥമാക്കി. സ്പ്രിന്റ് ഇനങ്ങളിൽ കടുത്ത മത്സരമാണ് നടന്നത്.

അണ്ടർ-14 ബോയ്സ് 100 മീറ്റർ ഫൈനലിൽ പട്‌ന റീജിയണിലെ അമിത് കുമാർ ഒന്നാം സ്ഥാനം നേടിയപ്പോൾ, ആഗ്ര റീജിയണിലെ വികാസ് രാജ് രണ്ടും ഭുവനേശ്വർ റീജിയണിലെ ശ്രേയാൻഷു പ്രധാൻ മൂന്നും സ്ഥാനങ്ങൾ നേടി. അണ്ടർ-17 ബോയ്സ് 100 മീറ്ററിൽ ഭുവനേശ്വർ റീജിയണിലെ മുകേഷ് മഹാനന്ദ് ഒന്നാമതെത്തി.

ജമ്മു റീജിയണിലെ രാഘവ് മൻഹാസ് വെള്ളിയും പട്‌ന റീജിയണിലെ ദേവപ്രകാശ് നന്ദ് വെങ്കലവും സ്വന്തമാക്കി. അണ്ടർ-19 ബോയ്സ് 100 മീറ്റർ ഫൈനലിൽ മുംബൈ റീജിയണിലെ വിവേക് ഹിരാല പാട്ടീൽ സ്വർണം നേടിയപ്പോൾ ജമ്മു റീജിയണിലെ സിദ്ധാർഥ് ഡോഗ്ര വെള്ളിയും മുംബൈ റീജിയണിലെ അപൂർവ് വിജയ് ജഗ്താപ് വെങ്കലവും നേടി.

ഹർഡിൽസ് മത്സരങ്ങളിലും താരങ്ങൾ മികവറിയിച്ചു. അണ്ടർ-14 ബോയ്സ് 80 മീറ്റർ ഹർഡിൽസിൽ എറണാകുളം റീജിയണിലെ ആദിത് സിനിഷ് സ്വർണമെഡൽ സ്വന്തമാക്കി.

ഹൈദരാബാദ് റീജിയണിലെ രട്ടി ഗുനിത് വെള്ളിയും പട്‌ന റീജിയണിലെ ബിക്കി കുമാർ വെങ്കലവും നേടി. അണ്ടർ-17 ബോയ്സ് 110 മീറ്റർ ഹർഡിൽസിൽ ചെന്നൈ റീജിയണിലെ റിപ്പുദമൻ സ്വർണവും എറണാകുളം റീജിയണിലെ അദ്രി നാഥ് ടി.

പി. വെള്ളിയും ഗുരുഗ്രാം റീജിയണിലെ ലോകേഷ് വെങ്കലവും കരസ്ഥമാക്കി. അണ്ടർ-19 ബോയ്സ് 110 മീറ്റർ ഹർഡിൽസിൽ ജബൽപൂർ റീജിയണിലെ ശിവം വിശ്വകർമ സ്വർണം നേടി.

ഗുരുഗ്രാം റീജിയണിലെ ഹന്നി വെള്ളിയും ചെന്നൈ റീജിയണിലെ എസ്. തപശ്വിൻ വെങ്കലവും സ്വന്തമാക്കി.

ഡിസ്കസ് ത്രോ (1.5 കിലോഗ്രാം) അണ്ടർ-17 ബോയ്സ് വിഭാഗത്തിൽ ഡെറാഡൂൺ റീജിയണിലെ കനിഷ്ക് ബഹുഗുണ സ്വർണമെഡൽ നേടി. മുംബൈ റീജിയണിലെ സാത്വിക് അരുൺ ദേംഗളെ വെള്ളിയും ഡൽഹി റീജിയണിലെ ലക്കി സൈനി വെങ്കലവും നേടി.

രാജ്യത്തെ 25 കേന്ദ്രീയ വിദ്യാലയ റീജിയണുകളിൽ നിന്നായി 450-ലധികം കായികതാരങ്ങളാണ് മേളയിൽ മാറ്റുരയ്ക്കുന്നത്. ഉദ്ഘാടനച്ചടങ്ങിൽ പൊതുവിദ്യാഭ്യാസ വകുപ്പ് അസിസ്റ്റന്റ് ഡയറക്ടർ ആർ.

എസ്. ചിമ്പു മുഖ്യാതിഥി ആയിരുന്നു.

കെവിഎസ് എറണാകുളം റീജിയണൽ ഓഫീസ് അസിസ്റ്റന്റ് കമ്മീഷണർ അനിൽ മോഹൻ ചടങ്ങിൽ പ്രസംഗിച്ചു.