ഡല്ഹി: ഐതിഹാസിക സമരവിജയങ്ങളുടെ പശ്ചാത്തലത്തില് അറിയപ്പെടുന്ന കോക്രോച്ച് ജനതാ പാര്ട്ടിയില് ആദ്യ പിളര്പ്പ്. പാര്ട്ടിയുടെ മുന് വോളണ്ടിയറായ മനീഷ് ബ്രഹ്മഭട്ട്ന്റെ നേതൃത്വത്തിലാണ് വിമത നീക്കം അരങ്ങേറിയിരിക്കുന്നത്.
സംഘടനയില് നിന്ന് ഔദ്യോഗികമായി വിട്ടുപോയ മനീഷ്, കോക്രോച് ജനതാ പാര്ട്ടി ഡെമോക്രാറ്റിക് (സിജെപി ഡി) എന്ന പേരിലാണ് പുതിയ രാഷ്ട്രീയ പ്ലാറ്റ്ഫോം രൂപീകരിച്ചിരിക്കുന്നത്. അഭിജീത്ത് ദീപ്കെ ഉള്പ്പെടെയുള്ള സിജെപി നേതൃത്വത്തിന്റെ നിലപാടുകളോടുള്ള ശക്തമായ എതിര്പ്പ് പരസ്യമാക്കിക്കൊണ്ടാണ് ഈ വേര്പിരിയല്.
അഭിജീത്ത് ദീപ്കെ നിലവിലുള്ള സമരത്തെ മറ്റൊരു വഴിയിലേക്കും പ്രത്യേക ചായ്വുകളിലേക്കും കൊണ്ടുപോകുന്നുവെന്നും, ഈ സംഘടനയെ പതുക്കെ ടീം കെജ്രിവാളാക്കി മാറ്റാന് ശ്രമം നടക്കുന്നുവെന്നുമാണ് വിമത വിഭാഗത്തിന്റെ പ്രധാന ആരോപണം. മുന്കാലങ്ങളില് ആം ആദ്മി പാര്ട്ടിയുമായി സഹകരിച്ച് പ്രവര്ത്തിച്ചിരുന്ന വ്യക്തികള് സിജെപിയുടെ നിര്ണായക നേതൃസ്ഥാനങ്ങള് കൈയടക്കിയെന്നും വിമതര് കുറ്റപ്പെടുത്തുന്നു.
ബിജെപിയെ എതിര്ക്കുക എന്നത് മാത്രമായി ഈ വിദ്യാര്ഥി മുന്നേറ്റത്തിന്റെ വിശാലമായ ലക്ഷ്യങ്ങള് ചുരുങ്ങരുതെന്ന് മനീഷ് ബ്രഹ്മഭട്ട് കൂട്ടിച്ചേര്ത്തു. കഴിഞ്ഞ ഓഗസ്റ്റ് മാസത്തില് സിജെപിയുടെ പ്രധാന നേതാക്കള് ദീപ്കെയുടെ വസതിയില് രഹസ്യ യോഗം ചേരുന്നുണ്ടെന്നറിഞ്ഞ് മനീഷ് ഗുജറാത്തില് നിന്ന് ഛത്രപതി സംഭാജിനഗറിലേക്ക് നേരിട്ടെത്തിയിരുന്നു.
ഡല്ഹി ജന്തര് മന്തറിലെ പ്രതിഷേധങ്ങളില് സജീവമായി പങ്കെടുത്ത സന്നദ്ധപ്രവര്ത്തകരെ ഈ നിര്ണായക ചര്ച്ചകളില് നിന്ന് ബോധപൂര്വ്വം ഒഴിവാക്കിയെന്ന് ആരോപിച്ച് മനീഷ് ഉള്പ്പെടെയുള്ളവര് അന്ന് സംഭവസ്ഥലത്ത് വെച്ച് ശക്തമായ പ്രതിഷേധം ഉയര്ത്തിയത് ഏറെ രാഷ്ട്രീയ ചര്ച്ചകള്ക്ക് വഴിവെച്ചിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
