ഡല്ഹി: പ്രമുഖ കോണ്ഗ്രസ് നേതാവ് സോണിയാ ഗാന്ധിയുടെ ആത്മകഥയുടെ ഇന്ത്യയിലെ പ്രസിദ്ധീകരണത്തില് നിന്ന് പെന്ഗ്വിന് റാന്ഡം ഹൗസ് ഇന്ത്യ പിന്മാറിയതായി റിപ്പോര്ട്ട്. പുസ്തകത്തില് ചില എഡിറ്റോറിയല് മാറ്റങ്ങളും തിരുത്തലുകളും വരുത്തണമെന്ന പ്രസാധകരുടെ ആവശ്യം സോണിയാ ഗാന്ധി കര്ശനമായി നിരാകരിച്ചതിനെ തുടര്ന്നാണ് ഈ സുപ്രധാന തീരുമാനം.
‘ബിലോങിങ്: എ ജേര്ണി ഓഫ് ലൗ’ എന്ന പേരിലൊരുങ്ങുന്ന ആത്മകഥ രാജ്യത്ത് പ്രസിദ്ധീകരിക്കുന്നതില് നിന്നാണ് പ്രസാധകരായ പെന്ഗ്വിന് പിന്മാറ്റം അറിയിച്ചിരിക്കുന്നത്. രാഷ്ട്രീയ സാമൂഹിക രംഗത്ത് വായനക്കാര് ഏറെ ആകാംക്ഷയോടെ കാത്തിരിക്കുന്നതും വലിയ ചര്ച്ചകള്ക്ക് വഴിതുറക്കുമെന്ന് കരുതപ്പെടുന്നതുമായ പുസ്തകമാണിത്.
പ്രസാധകര് പിന്മാറിയതോടെ ഇതിന്റെ ഇന്ത്യയിലെ പ്രസിദ്ധീകരണ അവകാശത്തിനായി രാജ്യത്തെ മറ്റ് പ്രമുഖ പ്രസാധകര് ഇതിനോടകം തന്നെ എഴുത്തുകാരിയെ സമീപിച്ചിട്ടുണ്ട്. നിലവിലെ സൂചനകള് അനുസരിച്ച് പ്രമുഖ പ്രസാധകരായ ഹാര്പ്പര് കോളിന്സിനാണ് പുസ്തകം ഏറ്റെടുക്കാന് കൂടുതല് സാധ്യത കല്പ്പിക്കപ്പെടുന്നത്.
നേരത്തെ പുറത്തുവന്ന റിപ്പോര്ട്ടുകള് പ്രകാരം നവംബര് പത്തിന് പുസ്തകം വിപണിയിലെത്തുമെന്നായിരുന്നു പ്രഖ്യാപിച്ചിരുന്നത്. സോണിയാ ഗാന്ധി ഇതിനുമുമ്പും ചില ഗ്രന്ഥങ്ങള് രചിക്കുകയും എഡിറ്റ് ചെയ്യുകയും ചെയ്തിട്ടുണ്ടെങ്കിലും, തന്റെ ജീവിതത്തെയും രാഷ്ട്രീയ വഴികളെയും കുറിച്ച് ഇത്രയധികം തുറന്ന ചര്ച്ചകള് നടത്തുന്ന ഒരു ആത്മകഥ അവരുടെ ഭാഗത്തുനിന്ന് ആദ്യമായാണ് ഉണ്ടാകുന്നത്.
ലോകത്തിലെ ഏറ്റവും സ്വാധീനമുള്ള വനിതാ രാഷ്ട്രീയ നേതാക്കളില് ഒരാളായ സോണിയ തന്റെ ജീവിതത്തിലെ പ്രണയം, കുടുംബബന്ധങ്ങള്, ഇന്ത്യയെക്കുറിച്ചുള്ള ആഴത്തിലുള്ള കാഴ്ചപ്പാടുകള് എന്നിവയെക്കുറിച്ചെല്ലാം ഹൃദയസ്പര്ശിയായ ഓര്മകളിലൂടെ ഈ പുസ്തകത്തില് പങ്കുവെക്കുന്നുണ്ടെന്നാണ് പെന്ഗ്വിന് റാന്ഡം ഹൗസ് നേരത്തെ വ്യക്തമാക്കിയിരുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
