ഡല്ഹി: വിവാദമായ സിഎംആര്എല്-എക്സാലോജിക് കേസില് വീണാ ടിക്കെതിരായ എന്ഫോഴ്സ്മെന്റ് ഡയറക്ടറേറ്റ് (ഇഡി) നടപടിയില് പ്രതികരണവുമായി കോണ്ഗ്രസ് നേതാവും എംഎല്എയുമായ രമേശ് ചെന്നിത്തല രംഗത്ത്. നിയമം നിയമത്തിന്റെ വഴിക്ക് പോകട്ടെയെന്നാണ് അദ്ദേഹം ഡല്ഹിയില് മാധ്യമങ്ങളോട് വ്യക്തമാക്കിയത്.
ഈ വിഷയം തന്റെ ആഭ്യന്തര വകുപ്പിന്റെ മുന്പാകെ വന്നിട്ടില്ലെന്നും അദ്ദേഹം കൂട്ടിച്ചേര്ത്തു. അതിനിടെ, കേസുമായി ബന്ധപ്പെട്ട് കൂടുതല് നിര്ണായക വിവരങ്ങളാണ് പുറത്തുവരുന്നത്.
അന്വേഷണത്തിന്റെ ഭാഗമായി നടത്തിയ പരിശോധനയില് വീണാ ടി ഉപയോഗിച്ച സിം കാര്ഡ് ഡെസ്റ്റിനേഷന് ടൂറിസം മാനേജര് നന്ദുലാലിന്റെ പേരിലുള്ളതാണെന്ന് ഇഡി കണ്ടെത്തിയിട്ടുണ്ട്. ഈ സിം കാര്ഡ് എന്തിനാണ് ഉപയോഗിച്ചത് എന്നതുസംബന്ധിച്ച് വിശദമായ അന്വേഷണം നടത്താനാണ് ഏജൻസിയുടെ തീരുമാനം.
എന്നാല്, ഈ സിം കാര്ഡ് എന്തിനാണ് ഉപയോഗിച്ചത് എന്ന് തനിക്ക് ഓര്മ്മയില്ലെന്നോ അറിയില്ലെന്നോ ആണ് നന്ദുലാല് മൊഴി നല്കിയിട്ടുള്ളത്. കേസില് വരും ദിവസങ്ങളില് അന്വേഷണം കൂടുതല് മേഖലകളിലേക്ക് വ്യാപിപ്പിക്കുമെന്നാണ് സൂചന.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
