മാസപ്പടി കേസ്: ഹവാല ഇടപാട് നടന്നതായി ഇ.ഡി കണ്ടെത്തൽ, റെയ്ഡിൽ നിർണായക തെളിവുകൾ പിടിച്ചെടുത്തു

കൊച്ചി സിഎംആർഎൽ–എക്സാലോജിക് മാസപ്പടി വിവാദവുമായി ബന്ധപ്പെട്ട കേസിൽ നിർണായക വിവരങ്ങൾ പുറത്തുവിട്ട് എൻഫോഴ്സ്മെന്റ് ഡയറക്ടറേറ്റ് (ഇ.ഡി).

ഈ കേസിൽ ഹവാല ഇടപാടുകൾ വഴി ഫണ്ട് കൈമാറ്റം ചെയ്യപ്പെട്ടതിനുള്ള വ്യക്തമായ തെളിവുകൾ അന്വേഷണ സംഘത്തിന് ലഭിച്ചിട്ടുണ്ട്. ഈ സാഹചര്യത്തിന്റെ ഭാഗമായി, മന്ത്രിയും വീണ വിജയന്റെ ഭർത്താവുമായ പി.എ.മുഹമ്മദ് റിയാസ് എംഎൽഎയുടെ സുഹൃത്തുക്കളുമായി ബന്ധപ്പെട്ട

കേന്ദ്രങ്ങളിലും വിവിധ സ്ഥാപനങ്ങളിലുമായി അടുത്തിടെ ഒമ്പത് ഇടങ്ങളിൽ ഇ.ഡി പരിശോധന നടത്തിയിരുന്നു. ഈ റെയ്ഡുകൾക്ക് പിന്നാലെയാണ് ഹവാലയിലൂടെ സാമ്പത്തിക ഇടപാടുകൾ നടന്നിട്ടുണ്ടെന്നതിന്റെ രേഖകളും വിവരങ്ങളും ലഭിച്ചതായി ഇ.ഡി ഔദ്യോഗികമായി അറിയിച്ചത്.

ഇതിന്റെ തുടർച്ചയായി ചില ഡിജിറ്റൽ ഉപകരണങ്ങളും മറ്റ് തെളിവുകളും ഉദ്യോഗസ്ഥർ കസ്റ്റഡിയിലെടുത്തിട്ടുണ്ട്.