സംസ്ഥാന ഭാഗ്യക്കുറി വകുപ്പിന്റെ ഈ വർഷത്തെ ഓണം ബംപർ ടിക്കറ്റുകളുടെ വിൽപന ജില്ലയിൽ പുരോഗമിക്കുന്നു. ടിക്കറ്റ് വിൽപന ആരംഭിച്ച് ഒരു മാസം തികയുന്നതിനു മുൻപുതന്നെ കാസർകോട് ജില്ലയിലെ ലോട്ടറി ഓഫിസുകൾ വഴി വൻതോതിലുള്ള വിതരണമാണ് നടന്നിട്ടുള്ളത്.
ഇന്നലെ വരെയുള്ള ഔദ്യോഗിക കണക്കുകൾ പ്രകാരം ജില്ലയിലെ വിവിധ ഓഫിസുകളിൽ നിന്നായി ആകെ 70,960 ടിക്കറ്റുകളാണ് ഇതിനകം വിതരണം ചെയ്തിരിക്കുന്നത്. ലോട്ടറി വകുപ്പിന്റെ കണക്കുകൾ അനുസരിച്ച്, വിദ്യാനഗർ ജില്ലാ ഓഫിസിൽനിന്ന് മാത്രം 53,900 ടിക്കറ്റുകൾ വിതരണം ചെയ്യപ്പെട്ടു. ബാക്കി വരുന്ന ടിക്കറ്റുകൾ കാഞ്ഞങ്ങാട് സ്ഥിതി ചെയ്യുന്ന സബ് ഓഫിസ് വഴിയാണ് ഏജന്റുമാർക്ക് കൈമാറിയത്.
കഴിഞ്ഞ മാസം 20-ാം തീയതിയാണ് ഈ വർഷത്തെ ഓണം ബംപർ ടിക്കറ്റുകളുടെ വിൽപന ഔദ്യോഗികമായി ആരംഭിച്ചത്. കഴിഞ്ഞ വർഷങ്ങളിൽ നിന്ന് വ്യത്യസ്തമായി ഇത്തവണ സമ്മാനത്തുകയിലും വൻ വർദ്ധനവാണ് വരുത്തിയിട്ടുള്ളത്.
മുൻകാലങ്ങളിൽ 25 കോടി രൂപയായിരുന്ന ഓണം ബംപറിന്റെ ഒന്നാം സമ്മാനം ഇത്തവണ 30 കോടി രൂപയായാണ് സർക്കാർ ഉയർത്തിയിരിക്കുന്നത്. ഇതുവരെ ലഭിച്ചതിൽവെച്ച് ഏറ്റവും ഉയർന്ന സമ്മാനത്തുകയാണിത്.
ഒന്നാം സമ്മാനത്തിന് പുറമെ മറ്റ് ആകർഷകമായ സമ്മാനങ്ങളും ടിക്കറ്റിനായി കാത്തിരിക്കുന്നുണ്ട്. രണ്ടാം സമ്മാനമായ 1 കോടി രൂപ വീതം 20 പേർക്കും, മൂന്നാം സമ്മാനമായ 25 ലക്ഷം രൂപ വീതം മറ്റ് 20 പേർക്കും ലഭിക്കും.
കൂടാതെ, നാലാം സമ്മാനമായി 5 ലക്ഷം രൂപ വീതം 10 പേർക്കും, അഞ്ചാം സമ്മാനമായി 2 ലക്ഷം രൂപ വീതം 10 പേർക്കും നൽകും. ഇതിനുപുറമേ 5000 രൂപ മുതൽ 500 രൂപ വരെയുള്ള നിരവധി സാന്ത്വന സമ്മാനങ്ങളും പ്രഖ്യാപിച്ചിട്ടുണ്ട്.
500 രൂപയാണ് ഒരു ടിക്കറ്റിന്റെ വില. ജില്ലയിൽ ആകെ നാനൂറോളം സജീവ ലോട്ടറി ഏജന്റുമാരാണ് ഉള്ളത്.
ഇതിൽ ഓണം ബംപർ പോലുള്ള വലിയ ലിക്കറ്റുകൾ മാത്രം പ്രത്യേകമായി വിൽപന നടത്തുന്ന ഒട്ടേറെ ഏജന്റുമാരും കാസർകോട്ടിലുണ്ട്. ജില്ലയിലെ ലോട്ടറി ഓഫിസുകളിൽനിന്ന് ടിക്കറ്റുകൾ ശേഖരിക്കാൻ കാസർകോടിന് പുറമെ മറ്റ് ഇതര ജില്ലകളിൽ നിന്നുപോലും നിരവധി ഏജന്റുമാർ എത്തുന്നതായി അധികൃതർ വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
