ചരിത്രമുദ്ര പതിപ്പിച്ച ദൃശ്യവിസ്മയങ്ങളുമായി കൊല്ലത്ത് പത്ര ഫൊട്ടോഗ്രഫി പ്രദർശനം ആരംഭിച്ചു

മലയാളിയുടെ ഓർമ്മകളിലേക്ക് മിന്നിവീശിയ ചരിത്രമുഹൂർത്തങ്ങളുടെ ദൃശ്യസാക്ഷ്യവുമായി പത്ര ഫൊട്ടോഗ്രാഫർമാരുടെ ചിത്രപ്രദർശനം കൊല്ലത്ത് ആരംഭിച്ചു. സീനിയർ ജേണലിസ്റ്റ് ഫോറം സംസ്ഥാന സമ്മേളനത്തിന്റെ ഭാഗമായി കടപ്പാക്കട

സ്പോർട്സ് ക്ലബ് ഓഡിറ്റോറിയത്തിലാണ് ഈ വിപുലമായ പ്രദർശനം സംഘടിപ്പിച്ചിരിക്കുന്നത്. 70 പത്ര ഫൊട്ടോഗ്രഫർമാരുടെ ലെൻസിലൂടെ പകർത്തിയ പ്രകൃതിക്ഷോഭത്തിന്റെയും മനുഷ്യജീവിതത്തിന്റെ നേർക്കാഴ്ചകളായ നിരവധി അസുലഭ ചിത്രങ്ങളാണ് ഇവിടെ പൊതുജനങ്ങൾക്കായി ഒരുക്കിയിരിക്കുന്നത്.

ഇന്ത്യയിലെ രണ്ടാമത്തെ വനിതാ പ്രസ് ഫൊട്ടോഗ്രഫർ സരസ്വതി ചക്രവർത്തി, പി.മുസ്തഫ, കെ.കെ രവീന്ദ്രൻ, കൊല്ലം മോഹൻ, എം.വി. പൗലോസ് തുടങ്ങിയ പ്രമുഖരുടെ ചിത്രങ്ങൾ പ്രദർശനത്തിന്റെ പ്രധാന ആകർഷണമാണ്.

ഭാര്യ കല്യാണിക്കുട്ടി അമ്മയുടെ മൃതദേഹത്തിനു മുന്നിൽ വിങ്ങിപ്പൊട്ടുന്ന ലീഡർ കെ. കരുണാകരന്റെ ചിത്രം, ചിന്നക്കട

റെയിൽവേ മേൽപാലത്തിൽ ടിപ്പർ ലോറിക്കടിയിൽ രണ്ടു മണിക്കൂറോളം ജീവനു വേണ്ടി പിടഞ്ഞ ശേഷം മരണത്തിനു കീഴടങ്ങിയ യുവതിയുടെ ചിത്രം തുടങ്ങിയവ മനസ്സുലയ്ക്കും. പ്രധാനമന്ത്രി മൊറാർജി ദേശായി കോവളത്ത് സമുദ്രസ്നാനം നടത്തുന്ന അപൂർവ ചിത്രം, പ്രീഡിഗ്രി ബോർഡ് സമര ചിത്രം, ചെമ്മീൻ സിനിമയുടെ 50–ാം വാർഷികാഘോഷ വേളയിൽ മധുവും ഷീലയും തുമ്പോളി കടപ്പുറത്തെത്തിയത്, കണ്ണൂരിൽ വച്ച് ഡിവൈഎഫ്ഐ പ്രവർത്തകരുടെ കല്ലേറിൽ പരുക്കേറ്റ് ആശുപത്രിയിൽ കഴിയുന്ന ഉമ്മൻ ചാണ്ടിയെ സന്ദർശിക്കുന്ന പ്രതിപക്ഷ നേതാവ് വി.എസ് അച്യുതാനന്ദന്റെ ചിത്രം തുടങ്ങിയവ പ്രദർശനത്തിലുണ്ട്.

പെരുമൺ തീവണ്ടി ദുരന്തവും 1957ൽ കേരളത്തിന്റെ ആദ്യ മുഖ്യമന്ത്രിയായി സത്യപ്രതിജ്ഞ ചെയ്യാൻ ഇഎംഎസ് നമ്പൂതിരിപ്പാട് വീട്ടിൽ നിന്നിറങ്ങുന്ന ചിത്രവുമെല്ലാം പ്രദർശനത്തിലുണ്ട്. ചടപ്പിൽ എൻ.കെ പ്രേമചന്ദ്രൻ എംപി പ്രദർശനത്തിന്റെ ഔദ്യോഗിക ഉദ്ഘാടനം നിർവഹിച്ചു.

ജനറൽ കൺവീനർ എസ്.സുധീശൻ ചടങ്ങിൽ അധ്യക്ഷത വഹിച്ചു. സംസ്ഥാന വിവരാവകാശ കമ്മിഷണർ അഡ്വ.

ടി.കെ രാമകൃഷ്ണൻ, പി. മുസ്തഫ, ദത്തൻ പുനലൂർ, പ്രദീപ് ആശ്രാമം, ഡി.

വേണുഗോപാൽ തുടങ്ങിയ പ്രമുഖർ ചടങ്ങിൽ സംസാരിച്ചു. വരുന്ന 11-ാം തീയതി സമാപിക്കുന്ന ഈ പ്രദർശനത്തിലേക്ക് എല്ലാ വിഭാഗം ആളുകൾക്കും പ്രവേശനം തികച്ചും സൗജന്യമായിരിക്കും.

ഇതിന്റെ ഭാഗമായുള്ള സംസ്ഥാന സമ്മേളനം മുഖ്യമന്ത്രി വി.ഡി. സതീശൻ 10ന് വൈകിട്ട് 4നു ഉദ്ഘാടനം ചെയ്യും.

സംസ്ഥാന പ്രസിഡന്റ് അലക്സാണ്ടർ സാം ചടങ്ങിൽ അധ്യക്ഷത വഹിക്കും.