വ്യക്തിഗത അക്കൗണ്ടുകൾക്കായി തേർഡ്-പാർട്ടി ഇമെയിൽ അക്കൗണ്ടുകൾ ഉപയോഗിച്ചുള്ള ‘സെൻഡ് ആസ്’ (Send as) ഫീച്ചർ അവസാനിപ്പിക്കാൻ ഒരുങ്ങി ഗൂഗിൾ. ജിമെയിൽ വിലാസം ഉപയോഗിച്ച് യാഹൂ, ഔട്ട്ലുക്ക്, ഹോട്ട്മെയിൽ തുടങ്ങിയ മറ്റ് സേവനങ്ങളിൽ നിന്നും കസ്റ്റം ഡൊമൈനുകളിൽ നിന്നും ഇമെയിലുകൾ അയക്കാൻ ഉപയോക്താക്കളെ സഹായിക്കുന്നതായിരുന്നു ഈ സംവിധാനം.
എന്നാൽ വർക്ക്സ്പേസ് അക്കൗണ്ടുകൾ ഉപയോഗിക്കുന്നവർക്കും മറ്റ് ജിമെയിൽ വിലാസങ്ങൾക്കായുള്ള അലിയാസുകളായി ഈ ഫീച്ചർ ഉപയോഗിക്കുന്നവർക്കും ഈ മാറ്റം ബാധകമായിരിക്കില്ലെന്ന് കമ്പനി വ്യക്തമാക്കി. ഇതിനോടൊപ്പം സ്പാം പ്രൊട്ടക്ഷൻ, ഇൻബോക്സ് ഓർഗനൈസേഷൻ തുടങ്ങിയ ജിമെയിൽ ഫീച്ചറുകൾ തേർഡ്-പാർട്ടി ഇമെയിൽ അക്കൗണ്ടുകളിൽ ഉപയോഗിക്കാൻ അനുവദിക്കുന്ന ‘ജിമെയിഫൈ’ (Gmailify) സംവിധാനവും ഗൂഗിൾ നിർത്തലാക്കുന്നുണ്ട്.
കൂടാതെ തേർഡ്-പാർട്ടി അക്കൗണ്ടുകളിൽ നിന്നുള്ള സന്ദേശങ്ങൾ ജിമെയിലേക്ക് ശേഖരിക്കുന്ന വെബ്ബിലെ പി.ഒ.പിയും (POP) ഈ പട്ടികയിൽ ഉൾപ്പെടുന്നു. മാറ്റങ്ങൾ നടപ്പിലാക്കുന്നതിനുള്ള സമയപരിധി പെട്ടെന്നുള്ള മാറ്റങ്ങളല്ല ഗൂഗിൾ ഇതിനായി നടപ്പിലാക്കുന്നത്.
നിലവിൽ ‘സെൻഡ് ആസ്’ ഫീച്ചർ ഉപയോഗിക്കുന്നവർക്ക് ഗൂഗിൾ മുന്നറിയിപ്പ് നൽകി വരുന്നുണ്ട്. ഈ ഫീച്ചർ നിലവിൽ ഉപയോഗിക്കാത്ത പുതിയ ഉപയോക്താക്കൾക്ക് ഇനി ഇത് സജ്ജീകരിക്കാൻ സാധിക്കില്ല.
തുടർന്ന് 2027 ജനുവരി മുതൽ നിലവിലുള്ള ഉപയോക്താക്കൾക്കായി ഈ സംവിധാനം പൂർണ്ണമായും നിശ്ചലമാകും. ഇതുവരെ ജിമെയിലേക്ക് ഇറക്കുമതി ചെയ്ത സന്ദേശങ്ങൾ തുടർന്നും ലഭ്യമായിരിക്കും.
ആൻഡ്രോയിഡ്, ഐഫോൺ, ഐപാഡ് എന്നിവയിലെ ജിമെയിൽ ആപ്പിലൂടെ പുതിയ ഇമെയിലുകൾ സ്വീകരിക്കാനും കാണാനും സാധിക്കുമെങ്കിലും, ജിമെയിൽ വഴി സന്ദേശങ്ങൾ അയക്കാനോ സിങ്ക് ചെയ്യാനോ ഇനി സാധിക്കില്ല. ജിമെയിഫൈ, പി.ഒ.പി എന്നിവയുടെ കാര്യത്തിലും പുതിയ ഉപയോക്താക്കൾക്ക് ഈ ഫീച്ചറുകൾ തിരഞ്ഞെടുക്കാനാകില്ല.
നിലവിലുള്ളവർക്ക് 2027 ജനുവരി വരെ ഇവ ഉപയോഗിക്കാം. പകരക്കാരെ ശുപാർശ ചെയ്യുന്നില്ല ‘സെൻഡ് ആസ്’ ഫീച്ചർ നിർത്തലാക്കുന്നത് തേർഡ്-പാർട്ടി അക്കൗണ്ടുകളിലേക്കുള്ള പ്രവേശനത്തെ ബാധിക്കില്ല.
ഉപയോക്താക്കൾക്ക് വെബ് വഴിയോ അതത് ആപ്പുകൾ വഴിയോ അവ തുടർന്നും ഉപയോഗിക്കാവുന്നതാണ്. എന്നാൽ ‘സെൻഡ് ആസ്’ സൗകര്യത്തിനായി മറ്റ് സേവനങ്ങൾ ഉപയോഗിക്കുന്നതിനെതിരെ ഗൂഗിൾ മുന്നറിയിപ്പ് നൽകുന്നുണ്ട്.
“അവയ്ക്ക് പലപ്പോഴും നിങ്ങളുടെ ഇമെയിൽ ക്രെഡൻഷ്യലുകളിലേക്കോ ഒഎഫ് ടോക്കണുകളിലേക്കോ (OAuth tokens) പ്രവേശനം ആവശ്യമാണ്. ഇത് നിങ്ങളുടെ അക്കൗണ്ടിനെ സുരക്ഷാ, സ്വകാര്യതാ ഭീഷണികളിലേക്ക് നയിച്ചേക്കാം” എന്ന് ഗൂഗിൾ വ്യക്തമാക്കി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
