ആലക്കോട് നെല്ലിക്കുന്ന് സ്വദേശിയായ യുവാവ് ചങ്ങനാശ്ശേരിയിൽ പെരുന്ന ക്ഷേത്രക്കുളത്തിൽ വീണു ദാരുണാന്ത്യം. ആലക്കോട് പഞ്ചായത്ത് മുൻ അംഗം മാത്യു പുതിയേടത്തിന്റെ മകൻ ജോസ്വിൻ മാത്യു(23) ആണ് മരിച്ചത്.
നഴ്സിങ് പഠനം പൂർത്തിയാക്കിയതിനുശേഷം, രണ്ടുമാസം മുൻപാണ് ജർമൻ ഭാഷ പഠിക്കുന്നതിനായി അദ്ദേഹം ചങ്ങനാശ്ശേരിയിൽ എത്തിയത്. കഴിഞ്ഞ വെള്ളിയാഴ്ച അവധി ദിവസമായതിനാൽ പ്രകൃതിരമണീയമായ പ്രദേശത്തുകൂടി നടക്കാൻ ഇറങ്ങിയതായിരുന്നു ജോസ്വിൻ.
ഇതിനിടയിൽ ഫോണിൽ സംസാരിച്ചുകൊണ്ട് നടക്കുന്നതിനിടയിൽ അബദ്ധത്തിൽ കുളത്തിലേക്ക് കാൽവഴുതി വീഴുകയായിരുന്നുവെന്നാണ് പ്രാഥമിക വിവരം. മരിച്ച ജോസ്വിന്റെ മാതാവ് ബിജി ആണ്.
എബിൻ, സാൽവിൻ, ജിസ്വിൻ എന്നിവരാണ് സഹോദരങ്ങൾ.
