ലോകകപ്പ് ഫുട്ബോള് മത്സരവേദിയില് അരങ്ങേറിയ അനിഷ്ട സംഭവങ്ങളുടെ പശ്ചാത്തലത്തില് അര്ജന്റീന ഫുട്ബോള് ടീമിനെതിരെ അന്താരാഷ്ട്ര ഫുട്ബോള് ഫെഡറേഷനായ ഫിഫ അച്ചടക്ക നടപടികള് ആരംഭിച്ചു.
ഇംഗ്ലണ്ടിനെതിരായ മത്സരത്തിന് ശേഷം പ്രദര്ശിപ്പിച്ച രാഷ്ട്രീയ സ്വഭാവമുള്ള ബാനറും, ഫൈനല് മത്സരത്തിനിടയിലും ശേഷവുമുണ്ടായ കയ്യാങ്കളിയുമാണ് അന്വേഷണത്തിന് കാരണം. മത്സരം അവസാനിച്ചതിന് പിന്നാലെ സ്പാനിഷ് സംഘവുമായി അര്ജന്റീനിയന് താരങ്ങള് വാക്കുതര്ക്കത്തിലേക്കും സംഘര്ഷത്തിലേക്കും നീങ്ങുകയായിരുന്നു.
സ്പെയിന് നായകനായ റോഡ്രിയുമായി അര്ജന്റീനയുടെ മൊളീന വാക്കേറ്റത്തില് ഏര്പ്പെടുകയും നെഞ്ചില് തള്ളുകയും ചെയ്തു. ഇതിന് പിന്നാലെ സ്ഥലത്തെത്തിയ ഒട്ടാമെന്ഡി റോഡ്രിയോട് കയര്ത്തു സംസാരിക്കുകയും “നിന്റെ കരച്ചില് ഇനിയും കഴിഞ്ഞില്ലേ” എന്ന് പരിഹസിക്കുകയും ചെയ്തു.
തുടര്ന്ന് കളിക്കളത്തിലെ മറ്റൊരു അക്രമാസക്തനായ താരം ലിയനാര്ഡോ പരേഡസ് രംഗത്തെത്തുകയും സ്പാനിഷ് താരങ്ങളായ ഗാവിയെയും പെഡ്രിയേയും തള്ളിയിടുകയും ചെയ്തു. ഈ സംഭവവികാസങ്ങളെത്തുടര്ന്നാണ് ഫിഫ കര്ശന നടപടികളിലേക്ക് കടന്നിരിക്കുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
