തിരുവനന്തപുരം വർക്കലയിൽ വീടിന് തീ പിടിച്ച് ഒരു കുടുംബത്തിലെ അഞ്ച് പേർ മരിച്ചു. പുലർച്ചെ രണ്ടു മണിയോടെയാണ് സംഭവമുണ്ടായത്. അയൽവാസികളാണ് വീടിന് തീ പടരുന്നത് കണ്ട് പോലീസിനെ വിവരമറിയിച്ചത്. തുടർന്ന് ഫയർ ഫോഴ്സ് എത്തി തീ അണയ്ക്കുകയായിരുന്നു. വീട്ടിലുള്ളവർ ഉറക്കമായതിനാൽ രക്ഷപ്പെടാനാകാതെ വീട്ടിനുള്ളിൽ പെട്ടുപോയതാകാം എന്നാണ് പ്രാഥമിക സൂചന.
ദളവാപുരം സ്വദേശി പ്രതാപൻ (62), ഭാര്യ ഷേർലി (53), മകൻ അഖിൽ (29), മരുമകൾ അഭിരാമി (25), പേരക്കുട്ടി റയാൻ (8 മാസം) എന്നിവരാണ് മരിച്ചത്.
ഷോർട്ട് സർക്യൂട്ടാണ് അപകട കാരണമെന്നാണ് സൂചന. മറ്റെന്തെങ്കിലും ദുരൂഹതയുണ്ടോ എന്നത് പരിശോധിക്കുന്നുണ്ട്. ഫയർ ഫോഴ്സ് എത്തി തീ അണച്ച് വീട്ടിനുള്ളിൽ കയറിയപ്പോൾ കുടുംബത്തിലെ ഒരാൾ ഒഴികെ ബാക്കി എല്ലാവരും മരിച്ചിരുന്നു. മൂത്ത മകൻ നിഹുൽ ഗുരുതരാവസ്ഥയിൽ പൊള്ളലേറ്റ് ആശുപത്രിയിലാണ്. ഇരുനില വീടിന്‍റെ അകത്തെ എല്ലാ മുറികളിലേക്കും തീപടർന്നിരുന്നു. വീടിന് പുറത്തുനിര്‍ത്തിയിട്ട കാറും കത്തിനശിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
