ദൈനംദിന നഗരയാത്രകളിൽ നിന്ന് തികച്ചും വ്യത്യസ്തമാണ് ദീർഘദൂര റോഡ് യാത്രകൾ. അപരിചിതമായ ഹൈവേകളും, നെറ്റ്വർക്ക് ലഭ്യത കുറഞ്ഞ മേഖലകളും, ദീർഘനേരത്തെ ഡ്രൈവിംഗും ഉൾപ്പെടുന്ന ഇത്തരം യാത്രകളിൽ മുൻകൂട്ടി ചില തയ്യാറെടുപ്പുകൾ ആവശ്യമാണ്.
യാത്രാവേളകളിൽ ഉണ്ടാകുന്ന തടസ്സങ്ങളും അനാവശ്യ വഴിതിരിച്ചുവിടലുകളും ഒഴിവാക്കാൻ ഗൂഗിൾ മാപ്സ് (Google Maps), ആൻഡ്രോയിഡ് ഓട്ടോ (Android Auto) എന്നിവയിലെ ചില ക്രമീകരണങ്ങൾ യാത്ര പുറപ്പെടുന്നതിന് മുൻപ് മാറ്റേണ്ടതുണ്ട്. ഓഫ്ലൈൻ മാപ്പുകൾ ഡൗൺലോഡ് ചെയ്യുക യാത്രാവേളകളിൽ മൊബൈൽ ഡാറ്റ എല്ലാ സ്ഥലങ്ങളിലും ലഭിക്കണം എന്നില്ല.
പ്രത്യേകിച്ച് മലയോര പ്രദേശങ്ങളിലൂടെയോ വിദൂര ഹൈവേകളിലൂടെയോ സഞ്ചരിക്കുമ്പോൾ ചെറിയൊരു നെറ്റ്വർക്ക് തടസ്സം പോലും വലിയ ബുദ്ധിമുട്ട് സൃഷ്ടിച്ചേക്കാം. അതിനാൽ ലക്ഷ്യസ്ഥാനം മാത്രമല്ല, ചുറ്റുമുള്ള പ്രദേശങ്ങളുടെ മാപ്പുകൾ കൂടി ഉൾപ്പെടുത്തി മുഴുവൻ റൂട്ടും ഓഫ്ലൈനായി ഡൗൺലോഡ് ചെയ്ത് സൂക്ഷിക്കുക.
ഗൂഗിൾ മാപ്സിലെ ഓഫ്ലൈൻ സെക്ഷൻ വഴി മാപ്പ് അപ്ഡേറ്റാണെന്ന് ഉറപ്പുവരുത്താവുന്നതാണ്. റൂട്ട് മുൻഗണനകൾ പരിശോധിക്കുക ആദ്യം കാണുന്ന നിർദ്ദേശം অন্ধമായി പിന്തുടരാതെ റൂട്ട് ഓപ്ഷനുകൾ പരിശോധിക്കുക.
ടോളുകൾ ഒഴിവാക്കുക, ഹൈവേകൾ ഒഴിവാക്കുക തുടങ്ങിയ പഴയ സെറ്റിങ്സ് കാരണം മാപ്സ് ചെറിയ റോഡുകളിലൂടെയോ അനാവശ്യ വഴിമാറ്റങ്ങളിലൂടെയോ നമ്മെ നയിച്ചേക്കാം. ഏറ്റവും വേഗതയേറിയ വഴി മാത്രമല്ല, ആകെ ദൂരം, ടോൾ ചാർജ്, റോഡിന്റെ സ്വഭാവം, ട്രാഫിക് എന്നിവ വിലയിരുത്തി മാത്രം റൂട്ട് തിരഞ്ഞെടുക്കുക.
ആൻഡ്രോയിഡ് ഓട്ടോ ലോഞ്ചർ വൃത്തിയാക്കുക യാത്രാവേളകളിൽ ഉപയോഗിക്കാത്ത ആപ്പുകൾ ആൻഡ്രോയിഡ് ഓട്ടോയിൽ നിന്ന് ഒഴിവാക്കുക. ഡ്രൈവിംഗ് സമയത്ത് മാപ്സ്, മ്യൂസിക് ആപ്പുകൾ, ഫോൺ എന്നിവ പെട്ടെന്ന് ലഭ്യമാകുന്ന രീതിയിൽ ക്രമീകരിക്കുക.
സെറ്റിങ്സ് മെനു വഴി പ്രധാനപ്പെട്ട ആപ്പുകൾ മുകളിലായി പിൻ ചെയ്താൽ അനാവശ്യമായ ടാപ്പുകൾ ഒഴിവാക്കാനും ശ്രദ്ധ റോഡിൽ തന്നെ നിലനിർത്താനും സാധിക്കും.
ജെമിനി ആക്ഷനുകൾ ഉപയോഗപ്പെടുത്താം ജെമിനി (Gemini) ആക്ഷനുകൾ ലോഞ്ചറിൽ പിൻ ചെയ്യുന്നത് ദീർഘദൂര യാത്രകളിൽ ഏറെ ഉപകാരപ്രദമാണ്. ‘സെൻഡ് മൈ ഇടിഎ ടൂ ജെനി’ അല്ലെങ്കിൽ ‘ഫൈൻഡ് ദ നിയറസ്റ്റ് ഫ്യുവൽ സ്റ്റേഷൻ’ തുടങ്ങിയ ഷോർട്ട്കട്ടുകൾ ഒറ്റ ടാപ്പിൽ പ്രവർത്തിപ്പിക്കാം.
ആൻഡ്രോയിഡ് ഓട്ടോ സെറ്റിങ്സിലെ കസ്റ്റമൈസ് ലോഞ്ചർ മെനുവിലൂടെ ഈ സൗകര്യം ഉപയോഗപ്പെടുത്താവുന്നതാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
