സ്റ്റേറ്റ് ബാങ്ക് ഓഫ് ഇന്ത്യ അവതരിപ്പിച്ച പുതിയ വിദേശ നാണയ നിക്ഷേപ പദ്ധതി പ്രവാസി മലയാളികൾക്കിടയിൽ വലിയ ചർച്ചകൾക്ക് വഴിയൊരുക്കിയിരിക്കുകയാണ്. 11.25% വരെ നേട്ടം വാഗ്ദാനം ചെയ്യുന്ന ഈ നിക്ഷേപരീതിയുടെ പ്രവർത്തനക്ഷമതയും സുരക്ഷിതത്വവുമാണ് ഇപ്പോൾ നിക്ഷേപകർക്കിടയിലെ പ്രധാന സംശയം.
സമാനമായ നിക്ഷേപ പദ്ധതികൾ മറ്റു സ്വകാര്യ ബാങ്കുകളും ഇപ്പോൾ ആവിഷ്കരിക്കുന്നുണ്ട്. പദ്ധതിയുടെ അടിസ്ഥാനം
റിസർവ് ബാങ്ക് ഓഫ് ഇന്ത്യ (RBI) പുറപ്പെടുവിച്ച പുതിയ മാർഗനിർദ്ദേശങ്ങളാണ് ഈ പദ്ധതിയുടെ കാതൽ.
പ്രവാസി നിക്ഷേപങ്ങൾ വിദേശ നാണയത്തിൽ തന്നെ (FCNR Deposit) സ്വീകരിക്കുന്ന ബാങ്കുകൾക്ക്, അവ ഇന്ത്യൻ രൂപയിലേക്ക് മാറ്റുമ്പോൾ വരുന്ന ‘സ്വാപ് കോസ്റ്റ്’ (Swap Cost) പൂർണമായും ബാധിക്കില്ലെന്നതാണ് ഇതിന്റെ പ്രത്യേകത. സെപ്റ്റംബർ 30 വരെയാണ് ആർബിഐ ഈ ആനുകൂല്യം പ്രഖ്യാപിച്ചിരിക്കുന്നത്.
എന്താണ് ‘സ്വാപ് കോസ്റ്റ്’?
പ്രവാസികൾക്ക് വിദേശ നാണയത്തിലെ നിക്ഷേപത്തിന് 4.5% മുതൽ 6% വരെ പലിശ ലഭിക്കും. എന്നാൽ ബാങ്കുകൾക്ക് ഈ പണം വായ്പ നൽകണമെങ്കിൽ അത് ഇന്ത്യൻ രൂപയിലേക്ക് മാറ്റേണ്ടതുണ്ട്.
നിക്ഷേപ കാലാവധി അവസാനിക്കുമ്പോൾ പ്രവാസിക്ക് തിരികെ ഡോളർ തന്നെ നൽകുകയും വേണം. ഇതിനായി ബാങ്കുകൾ നടത്തുന്ന കറൻസി മാറ്റത്തെയാണ് ‘സ്വാപ്’ എന്ന് വിളിക്കുന്നത്.
നിക്ഷേപ സമയത്തെയും കാലാവധി അവസാനിക്കുന്ന സമയത്തെയും ഡോളർ-രൂപ വിനിമയ നിരക്കിലുള്ള വ്യത്യാസമാണ് ‘സ്വാപ് കോസ്റ്റ്’. പദ്ധതിയുടെ ലക്ഷ്യം
പശ്ചിമേഷ്യയിലെ യുദ്ധസാഹചര്യങ്ങളെത്തുടർന്ന് ഇന്ത്യയുടെ വിദേശ നാണയ ശേഖരത്തിൽ ഉണ്ടായ കുറവാണ് ഇത്തരമൊരു നടപടിയിലേക്ക് സർക്കാരിനെ നയിച്ചത്.
വിദേശ നാണയ ശേഖരം ഏകദേശം 720 ബില്യൺ ഡോളറിൽ നിന്ന് 680 ബില്യൺ ഡോളറായി കുറഞ്ഞ സാഹചര്യത്തിൽ, കൂടുതൽ ഡോളർ രാജ്യത്തേക്ക് ആകർഷിക്കാനാണ് സർക്കാർ ലക്ഷ്യമിടുന്നത്. 11.25% നേട്ടം എങ്ങനെ സാധ്യമാകും?
വിദേശത്തെ ബാങ്കുകൾ വായ്പകൾക്കായി ഈടാക്കുന്ന പലിശനിരക്കിനേക്കാൾ കൂടുതൽ പലിശ ഇന്ത്യയിലെ ബാങ്കുകൾ നൽകുന്നു എന്നതാണ് ഈ നിക്ഷേപത്തിന്റെ ഗുണം.
രാജ്യാന്തര വിപണിയിൽ ‘ലിവറേജ്ഡ് ഡിപ്പോസിറ്റ്’ (Leveraged Deposit) എന്ന് വിളിക്കപ്പെടുന്ന രീതിയാണിത്. വിദേശത്ത് കുറഞ്ഞ പലിശയ്ക്ക് വായ്പയെടുത്ത് അത് ഇന്ത്യയിലെ ബാങ്കുകളിൽ ഉയർന്ന പലിശ നിരക്കിൽ നിക്ഷേപിക്കുന്നതിലൂടെ പ്രവാസികൾക്ക് വലിയ വരുമാനം ലഭിക്കുന്നു.
ഒരു ലക്ഷം ഡോളർ നിക്ഷേപിക്കുന്ന പ്രവാസിക്ക്, ആദ്യ തുകയുടെ പലിശയ്ക്ക് പുറമെ, പടുത്തുയർത്തുന്ന നിക്ഷേപങ്ങളിലെ പലിശ വ്യത്യാസം കൂടി ചേരുമ്പോഴാണ് 9% മുതൽ 11% വരെ നേട്ടം സാധ്യമാകുന്നത്. സുരക്ഷാ ഘടകങ്ങൾ
ഈ നിക്ഷേപ ഘടനകൾ പൂർണമായും റിസർവ് ബാങ്കിന്റെ മാർഗനിർദ്ദേശങ്ങൾക്ക് വിധേയമായാണ് ബാങ്കുകൾ രൂപകൽപ്പന ചെയ്യുന്നത്.
അതിനാൽ തന്നെ, റിസർവ് ബാങ്ക് അംഗീകരിച്ച ഈ പദ്ധതിയിൽ നിക്ഷേപകർക്ക് ആശങ്കപ്പെടേണ്ടതില്ലെന്ന് സാമ്പത്തിക വിദഗ്ധർ വിലയിരുത്തുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
