കാർഷിക സർവകലാശാല വൈസ് ചാൻസലറായി സജിത റാണിയെ നിയമിച്ച നടപടിക്കെതിരെ ഉന്നത വിദ്യാഭ്യാസ മന്ത്രി റോജി എം. ജോൺ രംഗത്ത്.
ഗവർണറുടെ ഈ നടപടി ജനാധിപത്യ വ്യവസ്ഥയോടുള്ള വെല്ലുവിളിയാണെന്ന് അദ്ദേഹം കുറ്റപ്പെടുത്തി. സർവകലാശാലകളിലെ നിയമന അധികാരം സർക്കാരിൽ നിക്ഷിപ്തമായ ഒന്നാണ്.
എന്നാൽ, സംസ്ഥാന സർക്കാർ സമർപ്പിച്ച പട്ടിക പൂർണ്ണമായും അവഗണിച്ചുകൊണ്ടാണ് ഈ നിയമനം നടന്നിരിക്കുന്നത്. സജിത റാണിയുടെ നിയമനവുമായി ബന്ധപ്പെട്ട് മന്ത്രിയുടെ പ്രതികരണം ഇങ്ങനെയാണ്: “സജിതയുടെ യോഗ്യതയെന്തെന്ന് എനിക്കറിയില്ല.” സർക്കാരിന്റെ അവകാശത്തിന് മേലുള്ള കടന്നുകയറ്റമായാണ് ഈ സംഭവത്തെ വിലയിരുത്തുന്നത്.
നിയമപരമായ മാർഗങ്ങളിലൂടെ ഇതിനെ നേരിടാൻ സർക്കാർ ആലോചിക്കുന്നുണ്ട്. ഈ നിയമനത്തിനെതിരെ കോടതിയെ സമീപിക്കുന്നത് സംബന്ധിച്ച കാര്യങ്ങൾ വരുംദിവസങ്ങളിൽ തീരുമാനിക്കുമെന്നും അദ്ദേഹം വ്യക്തമാക്കി.
സർക്കാരിനെ മറികടന്നുള്ള ഗവർണറുടെ ഏകപക്ഷീയമായ തീരുമാനത്തിനെതിരെ ശക്തമായ വിയോജിപ്പാണ് ഉന്നത വിദ്യാഭ്യാസ വകുപ്പ് ഉയർത്തുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
