ഉഷ്ണകാലം കടുക്കുന്ന സാഹചര്യത്തിൽ വീടുകളിലെ എയർ കണ്ടീഷനിംഗ് സംവിധാനങ്ങൾക്ക് സംഭവിക്കുന്ന തകരാറുകൾ വലിയ ബുദ്ധിമുട്ടാണ് സൃഷ്ടിക്കുന്നത്. ഈ പ്രശ്നത്തിന് പരിഹാരവുമായി ഗൂഗിൾ ഹോം ആപ്പിന്റെ പുതിയ പതിപ്പായ 4.20 പുറത്തിറങ്ങി.
Google Nest Thermostat ഉപയോഗിക്കുന്നവർക്കായി രണ്ട് സുപ്രധാന ഫീച്ചറുകളാണ് ഈ അപ്ഡേറ്റിലൂടെ ഗൂഗിൾ അവതരിപ്പിച്ചിരിക്കുന്നത്. കോംപ്രസർ തകരാറുകൾ തിരിച്ചറിയാം എയർ കണ്ടീഷനിംഗ് സംവിധാനത്തിന്റെ പ്രവർത്തനം തടസ്സപ്പെട്ടാൽ ഉപയോക്താക്കൾക്ക് ഉടൻ തന്നെ മുന്നറിയിപ്പ് ലഭിക്കും.
താപനില ക്രമാതീതമായി ഉയരുന്നത് ശ്രദ്ധയിൽപ്പെട്ടാൽ Nest Thermostat-ലും Google Home ആപ്പിലും നോട്ടിഫിക്കേഷനിലൂടെയും ഉപയോക്താക്കൾക്ക് മുന്നറിയിപ്പ് ലഭിക്കും. “A/C not cooling.
There’s an issue with your compressor“ എന്ന സന്ദേശമാണ് സ്ക്രീനിൽ തെളിയുക. ഓവർഹീറ്റിംഗ് തടയുന്നതിനുള്ള ഓട്ടോമാറ്റിക് ലോക്ക്ഔട്ട്, കോംപ്രസർ മോട്ടോറിന്റെയോ സ്റ്റാർട്ടപ്പ് കപ്പാസിറ്ററിന്റെയോ തകരാറുകൾ, വയറിംഗിലെ അപാകതകൾ എന്നിവ ഈ ഫീച്ചറിലൂടെ തിരിച്ചറിയാൻ സാധിക്കും.
സഹായം വേഗത്തിൽ ലഭ്യമാക്കുന്നു എസി തകരാറുകൾ പരിഹരിക്കാൻ സാങ്കേതിക വിദഗ്ധരുടെ സഹായം തേടുന്നത് ഇനി എളുപ്പമാകും. ആപ്പിലെ അലേർട്ടുകളിൽ തന്നെ സർട്ടിഫൈഡ് ഇൻസ്റ്റാളറുമായി ഫോണിലൂടെയോ ഇമെയിലിലൂടെയോ ബന്ധപ്പെടാനുള്ള സൗകര്യം ഒരുക്കിയിട്ടുണ്ട്.
ഇതിനായി Nest Thermostat-ലെ സെറ്റിംഗ്സിൽ പോയി Nest Pro വിവരങ്ങൾ പരിശോധിച്ച് വിവരങ്ങൾ രേഖപ്പെടുത്താവുന്നതാണ്. ശൈത്യകാലത്തും സേവനം ലഭ്യമാണ് ഈ സുരക്ഷാ സംവിധാനം ശൈത്യകാലത്തും പ്രയോജനപ്പെടും.
ഹീറ്റ് പമ്പുകൾ പ്രവർത്തനരഹിതമായാൽ, “Heat pump not heating. There’s an issue with your compressor.“ എന്ന സന്ദേശം ഉപയോക്താക്കൾക്ക് ലഭിക്കും.
Google Home 4.20 അപ്ഡേറ്റ് നിലവിൽ പുറത്തിറങ്ങി തുടങ്ങിയിട്ടുണ്ടെങ്കിലും, പഴയ രണ്ട് Nest Thermostat മോഡലുകളിൽ ഈ സേവനം ലഭ്യമല്ലെന്ന് കമ്പനി അറിയിച്ചു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
