അമേരിക്കയിലെ കാലിഫോര്ണിയയില് വ്യോമസേനയുടെ ബി-52 ബോംബര് വിമാനം തകര്ന്നുവീണു. അപകടത്തില് വിമാനത്തിലുണ്ടായിരുന്ന എട്ട് പേരും മരിച്ചതായാണ് പ്രാഥമിക റിപ്പോര്ട്ടുകള് വ്യക്തമാക്കുന്നത്.
എഡ്വേഡ്സ് വ്യോമതാവളത്തില് നിന്നും പറന്നുയര്ന്ന ഉടനെയാണ് ദുരന്തമുണ്ടായത്. പതിവ് പരീക്ഷണ പറക്കലിന്റെ ഭാഗമായാണ് ഈ ജെറ്റ് വിമാനം ആകാശത്തേക്ക് കുതിച്ചത്.
ആണവായുധങ്ങളും ബോംബുകളും വഹിക്കാന് ശേഷിയുള്ള എട്ട് എന്ജിനുകളുള്ള അത്യാധുനിക വിമാനമായിരുന്നു ഇത്. പറന്നുയര്ന്നതിന് തൊട്ടുപിന്നാലെ വിമാനം തകര്ന്നുവീഴുകയായിരുന്നു.
അപകടം നടന്ന ഉടന് തന്നെ സംഭവസ്ഥലത്ത് അടിയന്തര രക്ഷാപ്രവര്ത്തനങ്ങള് ആരംഭിച്ചു. വിമാനത്തിലുണ്ടായിരുന്ന മുഴുവന് ആളുകളെയും കണ്ടെത്താനുള്ള നടപടികള് വ്യോമസേനയുടെ നേതൃത്വത്തില് പുരോഗമിക്കുകയാണ്.
വിമാനം തകരാനുണ്ടായ യഥാര്ത്ഥ കാരണം ഇതുവരെ വ്യക്തമായിട്ടില്ല. സംഭവത്തില് സമഗ്രമായ അന്വേഷണത്തിന് വ്യോമസേന ഔദ്യോഗികമായി ഉത്തരവിട്ടിട്ടുണ്ട്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
