കോഴിക്കോട് ജില്ലയിൽ വീണ്ടും നിപ വൈറസ് ബാധ റിപ്പോർട്ട് ചെയ്തു. ഫറോക്ക് സ്വദേശിയായ 40 വയസ്സുകാരനാണ് രോഗം സ്ഥിരീകരിച്ചത്.
ഇദ്ദേഹം നിലവിൽ ഒരു സ്വകാര്യ ആശുപത്രിയിൽ ചികിത്സയിലാണ്. തുടർചികിത്സയ്ക്കും നിരീക്ഷണത്തിനുമായി രോഗിയെ കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റാൻ നടപടികൾ സ്വീകരിച്ചുവരികയാണ്.
രോഗലക്ഷണങ്ങളും തുടർനടപടികളും
കഴിഞ്ഞ ഒരാഴ്ചയായി പനിയും മസ്തിഷ്കജ്വരത്തിന്റെ ലക്ഷണങ്ങളും പ്രകടമായതിനെത്തുടർന്നാണ് ഇദ്ദേഹത്തെ പരിശോധനയ്ക്ക് വിധേയനാക്കിയത്. മെഡിക്കൽ കോളേജിൽ നടന്ന പ്രാഥമിക പരിശോധനയിൽ രോഗം സ്ഥിരീകരിക്കുകയായിരുന്നു.
രോഗബാധ സംബന്ധിച്ച കൂടുതൽ വ്യക്തത വരുത്തുന്നതിനായി സാംപിളുകൾ പൂനെ വൈറോളജി ലാബിലേക്ക് അയച്ചിട്ടുണ്ട്. ഈ പരിശോധനാ ഫലം നാളെ വൈകുന്നേരത്തോടെ ലഭ്യമാകുമെന്നാണ് അധികൃതരുടെ പ്രതീക്ഷ.
മുൻകരുതൽ നടപടിയുടെ ഭാഗമായി രോഗബാധിതന്റെ കുടുംബാംഗങ്ങളോട് നിരീക്ഷണത്തിൽ (ക്വാറന്റീൻ) പ്രവേശിക്കാൻ ആരോഗ്യവകുപ്പ് നിർദേശം നൽകിയിട്ടുണ്ട്. സ്ഥിതിഗതികൾ ആരോഗ്യവകുപ്പ് കർശനമായി നിരീക്ഷിച്ചുവരികയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
