കർണാടക സർക്കാരിന്റെ നിർണ്ണായകമായ ഒരു നിയമനം പുറത്തുവന്നിരിക്കുന്നു. തിരഞ്ഞെടുപ്പ് തന്ത്രജ്ഞനായ സുനിൽ കനഗോലുവിനെ കർണാടക മുഖ്യമന്ത്രിയുടെ ഉപദേശകനായി നിയമിച്ചുകൊണ്ട് ഔദ്യോഗിക ഉത്തരവിറങ്ങി.
ക്യാബിനറ്റ് റാങ്കോടുകൂടിയ പദവിയാണ് ഇദ്ദേഹത്തിന് സർക്കാർ നൽകിയിരിക്കുന്നത്. കോൺഗ്രസ് പാർട്ടിയുടെ തിരഞ്ഞെടുപ്പ് വിജയങ്ങളിൽ നിർണ്ണായക പങ്കുവഹിച്ച വ്യക്തിയാണ് സുനിൽ കനഗോലു.
കർണാടക നിയമസഭാ തിരഞ്ഞെടുപ്പിൽ പാർട്ടിയെ അധികാരത്തിലെത്തിക്കുന്നതിൽ പ്രധാന ബുദ്ധികേന്ദ്രമായി പ്രവർത്തിച്ചത് അദ്ദേഹമായിരുന്നു. 2016-ലെ തമിഴ്നാട് തിരഞ്ഞെടുപ്പിൽ എംകെ സ്റ്റാലിന് വേണ്ടി തിരഞ്ഞെടുപ്പ് തന്ത്രങ്ങൾ രൂപകല്പന ചെയ്തുകൊണ്ടാണ് അദ്ദേഹം ഈ രംഗത്ത് ശ്രദ്ധേയനായത്.
കർണാടകയിലെ മികച്ച വിജയം അദ്ദേഹത്തെ പാർട്ടിയുടെ ഉന്നതതല നേതൃത്വത്തിന്റെ വിശ്വസ്തനാക്കി മാറ്റി. ഈ വിജയത്തിന് പിന്നാലെയാണ് 2023-ൽ രാഹുൽ ഗാന്ധി നയിച്ച ഭാരത് ജോഡോ യാത്രയുടെ ആസൂത്രണ ചുമതലയിലേക്ക് അദ്ദേഹം എത്തിയത്.
യാത്രയുടെ വിജയകരമായ ആസൂത്രണത്തിന് ചുക്കാൻ പിടിച്ചതും ഇദ്ദേഹമായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
