മധ്യപ്രദേശ് നിയമസഭാംഗങ്ങളെ കർണാടകയിലേക്കും തെലങ്കാനയിലേക്കും മാറ്റാനുള്ള നടപടികൾക്ക് കോൺഗ്രസ് തുടക്കമിട്ടു. സംസ്ഥാനത്തെ മൂന്ന് രാജ്യസഭാ സീറ്റുകളിലേക്ക് ബിജെപി അധിക സ്ഥാനാർത്ഥിയെ പ്രഖ്യാപിച്ച സാഹചര്യത്തിലാണ് പാർട്ടി ജാഗ്രത ശക്തമാക്കിയത്.
നിലവിൽ രണ്ട് സ്ഥാനാർത്ഥികളെ വിജയിപ്പിക്കാനുള്ള അംഗബലം ബിജെപിക്കുണ്ടെങ്കിലും, മൂന്നാമതൊരു സ്ഥാനാർത്ഥിയെ കൂടി മത്സരിപ്പിക്കാൻ തീരുമാനിച്ചത് രാഷ്ട്രീയ വൃത്തങ്ങളിൽ ചർച്ചയായിട്ടുണ്ട്. കോൺഗ്രസ് മീനാക്ഷി നടരാജനെയാണ് സ്ഥാനാർത്ഥിയായി പ്രഖ്യാപിച്ചിരിക്കുന്നത്.
ഇതിനിടെ, ഝാർഖണ്ഡിലെ രാജ്യസഭാ സീറ്റ് വിഭജനവുമായി ബന്ധപ്പെട്ട് മുഖ്യമന്ത്രി ഹേമന്ദ് സോറൻ അതൃപ്തി രേഖപ്പെടുത്തിയിരുന്നു. കോൺഗ്രസ് സ്ഥാനാർത്ഥിയെ പ്രഖ്യാപിച്ചതിലുള്ള വിയോജിപ്പ് അദ്ദേഹം മല്ലികാർജ്ജുൻ ഖർഗയെ നേരിട്ട് അറിയിക്കുകയുണ്ടായി.
ഇന്നലെ നടന്ന ചർച്ചയിലൂടെ പ്രശ്നം പരിഹരിച്ചുവെന്നാണ് കോൺഗ്രസ് നേതൃത്വത്തിന്റെ അവകാശവാദമെങ്കിലും, ഇന്ന് നടന്ന ഇന്ത്യ സഖ്യ യോഗത്തിൽ ഹേമന്ദ് സോറൻ നേരിട്ട് പങ്കെടുക്കാതെ പ്രതിനിധിയെ അയച്ചത് അതൃപ്തിയുടെ സൂചനയായി കണക്കാക്കപ്പെടുന്നു. സ്വതന്ത്രനായി പത്രിക സമർപ്പിച്ച വ്യവസായി പരിമൾ നാഥ്വാനിക്കാണ് ബിജെപി പിന്തുണ പ്രഖ്യാപിച്ചിരിക്കുന്നത്.
ഇദ്ദേഹത്തിന്റെ വിജയത്തിന് നാല് എംഎൽഎമാരുടെ അധിക പിന്തുണ കൂടി ആവശ്യമാണ്. ഈ സാഹചര്യത്തിൽ, അട്ടിമറി നീക്കങ്ങൾ തടയാനും അംഗങ്ങളെ സുരക്ഷിതമായി നിലനിർത്താനും ലക്ഷ്യമിട്ടാണ് കോൺഗ്രസ് എംഎൽഎമാരെ മറ്റ് സംസ്ഥാനങ്ങളിലേക്ക് മാറ്റുന്നത്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
