തിരുവനന്തപുരം മെഡിക്കൽ കോളേജ് ആശുപത്രിയിൽ ചികിത്സയിൽ കഴിഞ്ഞിരുന്ന രോഗിയുടെ ശസ്ത്രക്രിയ നടത്തിയ കാലിൽ പുഴുവരിച്ചതായി പരാതി. പാരിപ്പള്ളി സ്വദേശിയായ രാജേന്ദ്രപ്രസാദിനാണ് അധികൃതരുടെ ഗുരുതരമായ അനാസ്ഥയെത്തുടർന്ന് ദുരനുഭവമുണ്ടായത്.
സംഭവത്തിൽ ആശുപത്രി അധികൃതർക്ക് വീഴ്ച സംഭവിച്ചതായി ബന്ധുക്കൾ ആരോപിച്ചു. കഴിഞ്ഞ മാസം 28-ാം തീയതി ഉണ്ടായ ബൈക്ക് അപകടത്തെത്തുടർന്നാണ് രാജേന്ദ്രപ്രസാദിനെ ആശുപത്രിയിൽ പ്രവേശിപ്പിച്ചത്.
അപകടത്തിൽ പരിക്കേറ്റ കാലിൽ ശസ്ത്രക്രിയ നടത്തി കമ്പിയിടുകയും ചെയ്തിരുന്നു. തുടർന്ന് അഞ്ച് ദിവസത്തോളം ഇദ്ദേഹം തീവ്രപരിചരണ വിഭാഗത്തിൽ (ഐസിയു) ചികിത്സയിലായിരുന്നു.
അഞ്ച് ദിവസത്തെ ഐസിയു ചികിത്സയ്ക്ക് ശേഷം ഇന്ന് ഇദ്ദേഹത്തെ ജനറൽ വാർഡിലേക്ക് മാറ്റിയപ്പോഴാണ് ശസ്ത്രക്രിയ ചെയ്ത കാലിൽ പുഴുക്കൾ അരിക്കുന്നതായി ശ്രദ്ധയിൽപ്പെട്ടത്. ഈ കാഴ്ച ബന്ധുക്കളെ വലിയ രീതിയിൽ ഞെട്ടിച്ചു.
സംഭവത്തിൽ പ്രകോപിതരായ ബന്ധുക്കൾ ആശുപത്രിയിൽ പ്രതിഷേധവുമായി രംഗത്തെത്തി. പ്രതിഷേധം ശക്തമായതോടെ, രോഗിയെ അടിയന്തരമായി വീണ്ടും തീവ്രപരിചരണ വിഭാഗത്തിലേക്ക് മാറ്റാൻ ആശുപത്രി അധികൃതർ നിർബന്ധിതരായി.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
