നെടുമങ്ങാട് നടന്ന ഒന്നര വയസുകാരന്റെ കൊലപാതകം കേരളീയ സമൂഹത്തെയാകെ വലിയ നടുക്കത്തിലാഴ്ത്തിയിരിക്കുകയാണ്. ഈ ക്രൂരതയ്ക്കെതിരെ സാമൂഹിക മാധ്യമങ്ങളിലൂടെ വ്യാപകമായ പ്രതിഷേധമാണ് ഉയരുന്നത്.
സാധാരണക്കാരായ ജനങ്ങളും സിനിമാ താരങ്ങളും ഉൾപ്പെടെയുള്ളവർ സംഭവത്തിലെ വേദന പങ്കുവെച്ച് രംഗത്തെത്തിയിട്ടുണ്ട്. ഈ സംഭവത്തിൽ തന്റെ നിലപാട് വ്യക്തമാക്കിക്കൊണ്ട് ബിഗ് ബോസ് താരമായ സൂര്യ ജെ മേനോൻ രംഗത്തെത്തി.
ആ കുഞ്ഞിന്റെ നിസ്സഹായാവസ്ഥയിലുള്ള കണ്ണുകൾ തന്നെ ഇപ്പോഴും വേട്ടയാടുകയാണെന്ന് അവർ പറയുന്നു. തന്റെ പ്രതികരണത്തിൽ സൂര്യ വ്യക്തമാക്കിയത് ഇപ്രകാരമാണ്: “എന്നെ ആദ്യമായിട്ടാണ് ഒരു കുട്ടിയുടെ നിസഹായാവസ്ഥയിലുള്ള കണ്ണുകള് പിന്തുടരുന്നത്.
ആ വാര്ത്ത കേട്ട ശേഷം എന്തോ പോലെയാണ്.
ഞാന് ഒരു അമ്മയൊന്നും അല്ല. മാതൃത്വത്തിന്റെ ഒരു ഫീലോ കാര്യങ്ങളോ എനിക്ക് അറിയത്തുമില്ല.
പക്ഷേ എവിടെ ഒരു കൊളുത്തുവലിക്കുന്നൊരു വേദന. അതിനെക്കാള് വിഷമം ഈ കുറ്റം ചെയ്ത ആളുകള് ജയിലില് പോകുക, നല്ല ഭക്ഷണം കഴിക്കുക, അവര് ചെയ്യുന്ന ജോലിക്ക് കൂലി കിട്ടുക.
അത്യാവശ്യം സമ്പാദ്യമായിട്ട് വെളിയില് ഇറങ്ങുന്നു.” കുറ്റവാളികൾക്ക് ലഭിക്കുന്ന ശിക്ഷാ രീതികളിലെ പോരായ്മകളെക്കുറിച്ചും സൂര്യ വിമർശനം ഉന്നയിച്ചു. “വധശിക്ഷ വിധിക്കുകയാണെങ്കില് പോലും, ഗ്രീഷ്മയ്ക്ക് വധശിക്ഷ വിധിച്ചിരുന്നു.
പിന്നീട് അതിന്റെ അപ്ഡേറ്റും കാര്യങ്ങളുമൊന്നും അറിഞ്ഞില്ല. അതുപോലെ ഷിംജിത.
അവരിപ്പോള് പുറത്തിറങ്ങി എന്ന് കേള്ക്കുന്നു. വീഡിയോകള് ചെയ്ത് നടക്കുന്നു.
ഒരു ഐഡിയ കിട്ടുന്നില്ല. സത്യം പറഞ്ഞാല് നമുക്കൊന്നും ചെയ്യാന് പറ്റുന്നില്ല.
അതാണ് പ്രധാന പ്രശ്നം. ചില സമയത്ത് ചില വാര്ത്തകള് കേള്ക്കും.
കുറ്റം ചെയ്തവരെ പൊതുജനം തല്ലിക്കൊന്നു എന്നൊക്കെ. അതൊക്കെ നമ്മുടെ കേരളത്തിലും വന്നെങ്കില് എന്ന് ഇടയ്ക്ക് ഞാന് ആഗ്രഹിക്കാറുണ്ട്.
പൊതുവില് വൈലന്സ് ആഗ്രഹിക്കുന്ന ആളൊന്നുമല്ല ഞാന്. പക്ഷേ ഇങ്ങനെയുള്ള വാര്ത്തകള് കേള്ക്കുമ്പോള്, പൊതുജനം കയ്യേറിയിരുന്നെങ്കില് എന്ന് ആഗ്രഹിക്കുന്ന നിമിഷമായിരുന്നു ഇന്നലത്തെ ഈ വാര്ത്ത.” നിയമവാഴ്ച നിലനിൽക്കെ തന്നെ കുറ്റവാളികൾക്ക് ലഭിക്കുന്ന ഇളവുകൾ സമൂഹത്തിൽ വലിയ നിരാശയും അമർഷവുമാണ് ഉണ്ടാക്കുന്നതെന്ന് സൂര്യ ജെ മേനോന്റെ വാക്കുകൾ അടിവരയിടുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
