കണ്ണൂർ മാടായിക്കാവ് കലശോത്സവത്തോടനുബന്ധിച്ച് സുരക്ഷാ ചട്ടങ്ങൾ ലംഘിച്ച് ഡ്രോണുകൾ പറത്തിയതായി പരാതി. ക്ഷേത്രത്തിൽ നടന്ന ചടങ്ങുകളുടെ ഫോട്ടോയും വിഡിയോയും പകർത്തുന്നതിനായി ആറോളം ഡ്രോണുകളാണ് ഉപയോഗിച്ചത്.
ക്ഷേത്രത്തിന്റെ വടക്കേ നടയിൽ ചടങ്ങുകൾ പുരോഗമിക്കുമ്പോൾ, നിരോധിത മേഖലയായി കണക്കാക്കപ്പെടുന്ന ക്ഷേത്ര ശ്രീകോവിലിന് മുകളിലൂടെ ഒരു മണിക്കൂറിലേറെ നേരം ഡ്രോണുകൾ പറന്നത് സുരക്ഷാ ഭീഷണിയായി ചൂണ്ടിക്കാട്ടപ്പെടുന്നു. സുരക്ഷാ മാനദണ്ഡങ്ങൾ പൂർണ്ണമായും അവഗണിച്ച് നടത്തിയ ഈ പ്രവർത്തനം വലിയ ആശങ്കയാണ് ഉയർത്തിയിരിക്കുന്നത്.
നേവൽ അക്കാദമിയുടെ തൊട്ടടുത്താണ് ഈ ക്ഷേത്രം സ്ഥിതി ചെയ്യുന്നത് എന്നതിനാൽ അതീവ സുരക്ഷാ പ്രാധാന്യമുള്ള മേഖലയാണിത്. അതുകൊണ്ടുതന്നെ ഇത്തരത്തിലുള്ള നടപടികൾ സുരക്ഷാ ഏജൻസികളെ ഉൾപ്പെടെ പ്രതിസന്ധിയിലാക്കുന്നു.
കൂടാതെ, രണ്ട് വർഷം മുൻപ് ക്ഷേത്രത്തിൽ മോഷണം നടന്നിരുന്നു. അന്ന് മോഷ്ടാവ് ക്ഷേത്രത്തിനകത്ത് പ്രവേശിക്കുന്നതിന്റെ ദൃശ്യങ്ങൾ സിസിടിവിയിൽ പതിഞ്ഞെങ്കിലും പ്രതിയെ കണ്ടെത്താൻ സാധിച്ചിരുന്നില്ല.
ഈ പശ്ചാത്തലത്തിൽ, ഇപ്പോൾ നടന്ന ഡ്രോൺ ഉപയോഗം സുരക്ഷാ വീഴ്ചയായി കാണണമെന്നാണ് ഉയരുന്ന ആവശ്യം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
